Jasmin Sandlas Birthday : पंजाबच्या ‘गुलाबी’ गायिकेचा वाढदिवस, जाणून घ्या कोण आहे की ‘गुलाबी’ गायिका…
जास्मिन सँडलसची गाणी तुम्ही ऐकली असतील. पण तिच्या गायकीइतकीच तिच्या केसांची देखील चर्चा होते. कारण आहे तिचे गुलाबी केस... आज या 'गुलाबी' गायिकेचा वाढदिवस आहे. सोशल मीडियावर तिच्यावर शुभेच्छांचा वर्षाव होतोय. चला तर मग या हटके स्टाईलच्या गायिकेविषयी जाणून घेऊयात...
जास्मिन सँडलस हिचा जन्म पंजाबच्या जालंधरमध्ये झाला. 13 वर्षांची झाल्यानंतर तिचं संगोपन कॅलिफोर्नियामध्ये झालं. पण तिला गायनाची आवड होती. तिच्या आईने तिला गायनासाठी प्रोत्साहित केलं. शाळेत असताना तिने एक स्पर्धा जिंकली. त्यानंतर तिला वाटू लागलं की आपण चांगली गायिका होऊ शकतो त्यासाठी तिने विशेष तयारी सुरू केली. 16 व्या वर्षी तिने गायनाला सुरूवात केली.
जास्मिनने आपल्या करिअरची सुरुवात 'मुस्कान' या गाण्याने केली. या गाण्याने तिला ओळख मिळवून दिली. त्यानंतर तिने 'बोहेमियाच्या गुल्डी' या अल्बमसाठी काम केलं. त्यानंतर तिने 'पंजाब दे जवाक' नावाचा अल्बम रिलीज केला. जास्मिनने 'गुलाबी' अल्बमसाठी रॅपर बोहेमियासोबत गाणं गायलं आणि पंजाबी संगीत क्षेत्रात स्वत: ची ओळख निर्माण केली.
जास्मिनने गायक हनी सिंगसोबत किक या सिनेमातील 'मैं हूँ तेरी एंजल तू है मेरा डेविल यार' हे गाणं गायलं आणि तिथून तिच्या बॉलिवूडमधल्या प्रवासाला सुरूवात झाली.
जास्मिनने स्टेजवर धुम्रपान केल्यामुळे त्यांच्यावर टीका झाली होती. यासोबतच तिच्या काही विधानांमुळे ती वादात सापडली होती.
