Photo : दुकानाचं शटर तुटलं, घराचे पत्रे उडाले, काचा फुटल्या; MIDC तील स्फोटाने डोंबिवली हादरली
Dombivli Amber Chemical Company Boiler Blast damage Photos : डोंबिवलीतील एमआयडीसीमध्ये भीषण स्फोट झाला. या स्फोटामुळे डोंबिवली परिसर हादरला. परिसरातील घरांचं मोठं नुकसान झालंय. डोंबिवली एमआयडीसीतील भीषण स्फोटाचे परिणाम दाखवणारे फोटो पाहा...
डोंबिवली एमआयडीसीत फेस टूमधील अंबर केमिकल कंपनीत आज दुपारी भीषण स्फोट झाला. या घटनेमुळे परिसरात हाहा:कार उडाला.
अंबर केमिकल कंपनीत दुपारच्या सुमारास बॉयलरचा स्फोट झाला. त्यानंतर एका पाठोपाठ एक सलग तीन स्फोट झाले. हा स्फोट इतका भीषण होता की या स्फोटामुळे 2 किमीपर्यंतची जमीन हादरली.
अंबर केमिकल कंपनीतील स्फोटामुळे रस्त्यावर उभ्या असणाऱ्या वाहनांचंही मोठं नुकसान झालं आहे. परिसातील वाहनांच्या काचा फुटल्या.
या स्फोटामुळे परिसरात मोठं नुकसान झालं. तिथल्या घराचे पत्रे उडाल्याचं समोर आलं आहे. तर काही घरांच्या काचा फुटल्यात. तसंच घरातील साहित्याचंही मोठं नुकसान झालं आहे.
अंबर केमिकल कंपनीतील स्फोटानंतर कंपनीला भीषण आग लागली. या बॉयलर स्फोटाच्या दुर्घटनेत सहा जणांचा मृत्यू झाला आहे. तर 48 जखमी झालेत. शिवाय मृतांची संख्या वाढण्याची भीती व्यक्त केली जात आहे.
