एक्झाम स्ट्रेस दूर करणारे पदार्थ खा आणि निश्चिंत रहा
परीक्षेच्या काळातील तणावातून आराम मिळवण्यासाठी आहाराची मदत घ्या. तुमच्या मुलासाठी आणि स्वतःसाठी स्ट्रेस बस्टर पदार्थ निवडा व त्यांचे सेवन करा.
मुलांच्या परीक्षा सुरू होताच अभ्यासाचा ताण, उजळणीचा ताण आणि पेपर नीट लिहिता न येण्याची चिंता यामुळे मुलांना चिंता वाटते. मुलांसोबतच पालकही अस्वस्थ होतात व त्यांचा ताण वाढतो. परीक्षा जवळ येताच तणाव वाढणे साहजिक आहे, अशा वेळी काही पदार्थांच्या सेवनाने हा ताण कमी करता येऊ शकतो.
मुलांना दिवसातून 2-3 लिटर पाणी पिण्यास द्या. त्यामुळे त्यांचा ताण कमी होईल आणि वाढत्या उष्णतेमुळे होणाऱ्या त्रासातूनही दिलासा मिळेल. मुलांप्रमाणेच पालकांनी स्वतःलाही हायड्रेटेड ठेवावे.
अनेकवेळा मुले अभ्यास करताना तहान-भूक विसरतात. पण, भूक आणि उर्जेच्या कमतरतेमुळे त्यांचा ताण वाढू लागतो. म्हणूनच, मुलं वेळेवर, पोटभर जेवतील याची काळजी घ्या.
अक्रोड, मासे, अळशीच्या बिया, भोपळ्याच्या बिया, तीळ यांसारखे पदार्थ मेंदूसाठी खूप फायदेशीर असतात. यामध्ये ओमेगा-३ फॅटी ॲसिड्स आढळतात ज्यामुळे मेंदूचे कार्य सुधारते.
तणाव टाळण्यासाठी सर्वप्रथम चहा-कॉफीचे सेवन बंद करा. खरंतर, कॉफी, चहा, कोला आणि एनर्जी ड्रिंक्समध्ये भरपूर कॅफीन असते आणि ते तुमचा ताण वाढवण्याचे काम करतात. कॅफिनमुळे मेंदूची शक्ती कमी होते.
ताणतणाव वाढल्यानंतर शरीराला व्हिटॅमिन सी आणि व्हिटॅमिन बी आणि झिंक यासारख्या घटकांची जास्त गरज असते. अशा परिस्थितीत दुधी भोपळा, काकडी, यासारख्या पाण्याने भरलेल्या भाज्या मुलांना खायला द्या. याशिवाय अंडी, बदाम, ब्राऊन राइस, फळे आणि ताजे सॅलड खाल्ले पाहिजे.