GK : फक्त 30 मिनिटे झोपणारा प्राणी, उभं राहून मारतो डुलकी
Unique Animal : जगात प्राण्यांच्या हजारो प्रजाती आहेत. यातील काही प्राणी हे सर्वात अनोखे आहेत. आज आपण अशा एका प्राण्याची माहिती जाणून घेणार आहोत जो फक्त अर्धा तास झोप घेतो. याबाबत सविस्तर माहिती जाणून घेऊयात.
सर्वात कमी झोप घेणारा प्राणी: पृथ्वीवरील जिराफ हा असा प्राणी आहे जो सर्वात कमी वेळ झोपतो. आधीच सर्वात जास्त लांब मान असलेला हा प्राणी झोपेच्या वेळेमुळेही अनोखा ठरला आहे.
झोपेचा कालावधी: जिराफ 24 तासांतून साधारणपणे फक्त 30 मिनिटे ते 1 तास इतकीच झोप घेतो. तो ही 30 मिनिटांची झोप सलग न घेता, दिवसातून 5 ते 10 मिनिटांच्या छोट्या अंतराने पूर्ण करतो.
उभे राहून झोपणे : जिराफ बहुतेक वेळा उभे राहूनच झोप घेतात, जेणेकरून कोणत्याही संकटाच्या वेळी ते त्वरित सावध होऊ शकतील.
शिकारी प्राण्यांपासून संरक्षण : जंगलात हिंस्त्र प्राण्यांकडून शिकार होण्याचा धोका असल्याने, जिराफांनी स्वतःला खूप कमी वेळ आणि सावधपणे झोपण्याची सवय लावून घेतली आहे.
इतर प्राण्यांशी तुलना : जिथे मांजर किंवा वाघ दिवसातील 12 ते 16 तास झोपतात, तिथे जिराफाची इतकी कमी झोप थक्क करणारी आहे, त्यामुळे तो अनोखा प्राणी बनतो.
