GK : देशातील सर्वात मोठे वाळवंट कोणते? तब्बल 4 राज्यांमध्ये विस्तार
Largest Indian Dessert : तुम्ही जगातील सर्वात मोठ्या सहारा वाळवंटाबाबत नक्कीच ऐकले असेल. हे जगातील सर्वात मोठे वाळवंट आहे. येथे नजर जाईल तिथपर्यंत फक्त वाळूच दिसते. पण तुम्हाला माहित आहे का की भारतातील सर्वात मोठे वाळवंट कोणते आहे?
वाळवंट म्हणजे काय? : वाळवंट म्हणजे असा प्रदेश जिथे वर्षभरात 25 सेंटीमीटर (सुमारे 9.8 इंच) पेक्षा कमी पाऊस पडतो आणि जमीन अत्यंत कोरडी व कमी सुपीक असते.
भारतातील सर्वात मोठे वाळवंट : जगातील मोठ्या वाळवंटांबद्दल आपण शाळेत शिकतो, पण भारतातील सर्वात मोठे वाळवंट म्हणजे थार वाळवंट. हे वाळवंट जैसलमेरमध्ये आहे.
‘गोल्डन सिटी’ : येथे सुंदर वाळूचे ढिगारे आणि विस्तीर्ण मैदाने पाहायला मिळतात. जैसलमेर हे थार वाळवंटातील एक प्रमुख पर्यटनस्थळ असून त्याला ‘गोल्डन सिटी’ असेही म्हणतात.
थार वाळवंट कुठे पसरले आहे? : थार वाळवंट भारताच्या उत्तर-पश्चिम भागात पसरलेले आहे, विशेषतः राजस्थानमध्ये. याचा काही भाग गुजरात, पंजाब आणि हरियाणा पर्यंत विस्तारले आहेत. याचे एकूण क्षेत्रफळ सुमारे 2 लाख चौरस किलोमीटर आहे.
दिल्लीसारखी 130–135 शहरे : थार वाळवंट इतके विशाल आहे की त्यात दिल्लीसारखी सुमारे 130 ते 135 शहरे मावू शकतात. दिल्लीचे क्षेत्रफळ सुमारे 1484 चौरस किलोमीटर आहे, त्यामुळे थारमध्ये इतकी शहरे सहज बसू शकतात.
