बॉलिवूड अभिनेत्री अमृता राव आई झाली आहे. तिने एका गोंडस बाळाला जन्म दिला आहे.
रविवारी सकाळी अमृताने एका गोड बाळाला जन्म दिला. यावेळी तिचा नवरा आरजे अनमोल हा पूर्णवेळ तिच्यासोबत ऑपरेशन थिएटरमध्ये हजर होता.
अमृताने स्वतः एक फोटो शेअर करत आपल्या चाहत्यांना आपण गर्भवती असल्याची आनंदाची बातमी दिली होती. त्यानंतर रविवारी तिला मुलगा झाला आहे.
अमृताने गर्भवती असल्याची बातमी चाहत्यांना अगदी 9 महिन्यात दिली होती. तोपर्यंत अमृताने ही बातमी लपवली होती, मात्र अखेर व्हायरल झालेल्या फोटोनंतर तिने स्वतःच याचा खुलासा केला.
अमृताने आपला पती आरजे अनमोलसोबत एक फोटो शेअर केला होता. यात तिने म्हटलं होतं की, ‘तुमच्यासाठी हा 10 वा महिना आहे, पण आमच्यासाठी हा 9 वा महिना आहे. सरप्राईज, सरप्राईज, सरप्राईज… अनमोल आणि मी आमच्या नवव्या महिन्यात आहोत.’