PHOTO : हार्दिक पांड्या बाबा बनणार, नताशाचा एक्स बॉयफ्रेंड म्हणतो…
- टीम इंडियाचा अष्टपैलू क्रिकेटर हार्दिक पांड्याने (Hardik Pandya Announces Natashas Pregnancy) सोशल मीडियावरुन गूडन्यूज दिली आहे. हार्दिक पांड्या लवकरच एका बाळाचा पिता होणार आहे.
- अभिनेत्री नताशासोबत पांड्याने फोटो शेअर करुन, ही गोड बातमी चाहत्यांना दिली. पांड्याच्या या पोस्टनंतर त्याच्यावर अभिनंदनाचा वर्षाव होत आहे. (Hardik Pandya Announces Natashas Pregnancy)
- हार्दिक पांड्याने नवीन वर्षाच्या पहिल्याच दिवशी गर्लफ्रेंड नताशा स्टानकोविकसोबत साखरपुडा केला होता. आता पांड्याने ही गोड बातमी दिल्यानंतर नताशाचा एक्स बॉयफ्रेंड एली गोनीची प्रतिक्रिया आली आहे.
- नताशाच्या बेबी बंप पोस्टवर एली गोनीने शुभेच्छा देत अभिनंदन केलं. एली गोनीच्या या प्रतिक्रियेवर चाहत्यांनींही आनंद व्यक्त करत, त्याची कमेंट लाईक केली. नताशा आणि एली गोनी हे रिअॅलिटी शो नच बलिएमध्ये सहभागी होते. आता नताशा आणि हार्दिक पंड्याने एकत्र येऊन नवं आयुष्य सुरु केलं आहे.
- हार्दिक पंड्याने सोशल मीडियावर नताशासोबत फोटो शेअर करत, आमच्या आयुष्यात लवकरच एक नवा पाहुणा येत आहे, त्याच्या स्वागतासाठी आम्ही उत्सुक आहोत, असं म्हटलं.
- मी आणि नताशाने एक मोठा प्रवास केला आहे. आम्ही आमच्या नव्या पाहुण्याच्या स्वागतासाठी उत्साही आहोत, असंही पांड्या म्हणाला.
- हार्दिक पांड्याच्या या पोस्टखाली त्याला शुभेच्छा आणि अभिनंदन करणाऱ्या कमेंट्सचा अक्षरश: पाऊस पडला. टीम इंडियाचे प्रशिक्षक रवी शास्त्री, कर्णधार विराट कोहली, गोलंदाज यजुवेंद्र चहलसह सर्वांनी शुभेच्छा दिल्या.
- हार्दिक पांड्याने नववर्षाच्या सुरुवातीलाच नताशाला प्रपोज केलं होतं. त्यानंतर हार्दिक पांड्याने नताशाला रिंग घालून प्रेम जाहीर केलं होतं.