Photos : तुम्ही शाळेची घंटा, मजामस्ती आणि बाकावर बसून डब्यातलं जेवण मिस करताय? मग हे पाहाच…
आपण कितीही मोठे झालो असलो तरी आपल्या शाळेतील दिवस, तिथे केलीली मजामस्ती, वर्गामध्ये बेंचवर बसून डबा खाण्याचा आनंद हे सगळं आपल्यावला हवंहवंसं वाटतं. हाच आनंद तुम्हाला पुन्हा अनुभवायचा असेल तर तुम्हाला सातारा जिल्ह्यातील कराडला नक्कीट भेट द्यावी लागेल.
- आपण कितीही मोठे झालो असलो तरी आपल्या शाळेतील दिवस, तिथे केलीली मजामस्ती, वर्गामध्ये बेंचवर बसून डबा खाण्याचा आनंद हे सगळं आपल्यावला हवंहवंसं वाटतं. हाच आनंद तुम्हाला पुन्हा अनुभवायचा असेल तर तुम्हाला सातारा जिल्ह्यातील कराडला नक्कीट भेट द्यावी लागेल.
- पुणे-बंगळुरु महामार्गावरुन प्रवास करताना कराडचं शाळेकरी हॉटेल यासाठीचं खास ठिकाण आहे.
- येथे तुम्ही शाळेच्या आठवणींसोबत जेवण करण्याची मजा घेऊ शकाल.
- शाळेची घंटा, शाळेतील सुविचार, शाळेतील ब्लॅक बोर्ड आणि महत्वाचे म्हणजे या ठिकाणी बाकावर बसून डब्यातून मिळणारे जेवण, कंपास पेटीत असलेले चमचे शाळेच्या प्रमाणपत्रावर असणारे मेनुकार्ड हे सगळं या हॉटेलमध्ये अनुभवायला मिळतं.
- या हॉटेलमध्ये गेल्यावर शाळेतल्या सर्व जुन्या आठवणींना उजाळा मिळाला नाही तरच नवल. ही स्वप्नवत कल्पना प्रत्यक्षात उतरवली आहे तरुण व्यवसायिक राहुल भोसले यांनी.
- राहुल भोसले हे अनेक वर्षपासून हॉटेल व्यवसायात आहेत लॉकडाऊन नंतर अडचणीत आलेल्या या व्यवसायाला चालना देण्यासाठी ही अनोखी संकल्पना त्याच्या डोक्यात आली आणि त्यांनी हे शाळकरी हॉटेल सुरु केलं.
- शाळेकरी हॉटेलमध्ये येणारे लहानांपासून थोरांपर्यंत सर्वच जण आनंद घेत जुन्या शाळेतील आठवणींना उजाळा देत आहेत.
- युनिफॉर्ममध्ये असलेल्या स्टॅच्युत आपला चेहरा घालून ग्राहक फोटो देखील काढत आहेत.
- जेवणाची चव घरगुती असल्याने आणि शाळेचा फील मिळत असल्याने या हॉटेलमध्ये येणारा ग्राहक जाम खुश आहे.
- सोशल मीडियावर या हॉटेलची माहिती पसरल्यानंतर लांब लांबवरुन लोक हे हॉटेल शोधत येत आहेत आणि शाळेची मजा घेऊन जात आहेत.
- एकूणच शाळेत केलेल्या खोडी, मजा असं सगळं काही चित्रांच्या स्वरूपात या ठिकाणी मांडण्यात आलं आहे. हे सगळं पाहिल्यानंतर या अनोख्या अशा ‘School Theme Restaurant’ शाळकरी हॉटेलला भेट देण्याची तुमची इच्छा झाली नाही तरच नवल.