GK : फक्त इराणमध्ये आढळतो हा बुद्धिमान पक्षी, विशेषत: काय?
Iran Bird : जगात पक्ष्यांच्या शेकडो प्रजाती आहेत. यातील एक असा पक्षी आहे जो फक्त इराणमध्येच आढळतो. या पक्षाचे नाव काय आहे आणि त्याची विशेषत: काय आहे ते जाणून घेऊयात.
इराणी ग्राउंड जे : इराणी ग्राउंड जे हा असा पक्षी आहे जो जगात फक्त इराणमध्येच आढळतो. त्यामुळे त्याला इराणचा स्थानिक एंडेमिक पक्षी म्हटले जाते. अनेक तज्ज्ञ त्याला इराणचा एकमेव पूर्णपणे स्थानिक पक्षी मानतात.
मुख्य अधिवास : याचा अधिवास प्रामुख्याने इराणच्या मध्य व पूर्वेकडील वाळवंटी प्रदेशात आहे. दश्ते कावीर आणि दश्ते लूट या भागासह हा पक्षी यज्द, केरमान, सेमनान, इस्फहान, फार्स आणि सिस्तान-बलूचिस्तान या प्रांतांतही आढळतोय
कावळा कुळातील सदस्य : हा पक्षी कॉर्विड म्हणजेच कावळा कुळातील सदस्य आहे. त्यामुळे तो स्वभावतः बुद्धिमान मानला जातो. तो आपले अन्न साठवून ठेवतो. अनेकदा तो बिया आणि कीटक जमिनीत लपवून ठेवतो आणि नंतर त्या शोधून खातो.
पर्यावरणीय संतुलनात भूमिका : कधी कधी तो लपवलेल्या काही बिया विसरतो, ज्यामुळे नवीन रोपे उगवण्यास मदत होते. अशा प्रकारे तो निसर्गाच्या संतुलनात महत्त्वाची भूमिका बजावतो. इराणी ग्राउंड जे हा जमिनीवर राहणारा पक्षी आहे. तो फार उंच उडत नाही; त्याऐवजी वेगाने धावत इथून-तिथे हालचाल करतो.
शोधणे अवघड : धोका जाणवल्यास तो अचानक दिशा बदलतो किंवा झुडपांमध्ये लपतो. वाळवंटासारख्या उघड्या आणि कोरड्या प्रदेशात तो स्वतःला उत्तम प्रकारे लपवू शकतो. त्यामुळे त्याला सहज पाहणे कठीण असते.
