PHOTO | तुमच्या घरात कोरोना संक्रमित रूग्ण आहे का? त्यांची काळजी घेण्याचा हा आहे योग्य मार्ग
कोरोना रुग्णाला घरात विलगीकरण केले तर संपूर्ण कुटुंबासाठी टेन्शन वाढते. विलगीकरणात रुग्णाला एकांतवासात ठेवले जाते. परंतु त्याचवेळी रुग्णाची योग्य काळजी घेण्याची आणि खाण्यापिण्याची उत्तम व्यवस्था करण्याची आवश्यकता आहे. कुटुंबाला ही जबाबदारी निभवावी लागते. अशा परिस्थितीत आपण स्वतःला कोरोनापासून दूर ठेवून आपल्या घरी कोरोनाच्या कोणत्याही रुग्णाची काळजी घेऊ शकतो. (Is there a corona infected patient in your home? This is the right way to take care of them)
जर एखाद्याला घरात कोरोना संसर्ग झाला असेल तर घाबरू नका. आधीपासूनच आपण मास्क वापरातच असाल. घरातल्या प्रत्येकाने डबल मास्क किंवा एन -95 मास्क वापरला पाहिजे. आणि रुग्णाला एकांतात ठेवा. कुटुंबातील एका व्यक्तीकडे अन्न आणि इतर गोष्टी पोहचवण्याची जबाबदारी द्या. त्यांनाही स्वतंत्र खोलीत ठेवा आणि त्यांच्यासाठी फेसशील्डची व्यवस्था करा.
जितक्या वेळा आपण कोरोना रूग्णाच्या संपर्कात याल तेवढ्या वेळा स्वत:ला निर्जंतुकीकरण करा. उदाहरणार्थ, मजबूत सॅनिटायझर वापरा. आंघोळीच्या पाण्यात लिक्विड सॅनिटायझर देखील घाला.
नजीकच्या वैद्यकीय केंद्राकडून पोविडोन आयोडीन(povidone iodine) आणा. दिवसातून दोनदा पोविडोन आयोडीन कोमट पाण्यात मिसळून गार्गल करा. हे कोरोनाचे लवकर संक्रमण रोखू शकते.
प्रत्येकाने घरी शू-कव्हर वापरावे. अनवाणी चालू नका. वेळोवेळी हात सॅनिटायझर वापरा. स्वच्छतेची विशेष काळजी घ्या आणि अन्नातील लिक्विडचे प्रमाण वाढवा. यासह डॉक्टरांच्या सल्ल्यानुसार आपण व्हिटॅमिन बूस्टर किंवा व्हिटॅमिन सी युक्त फळांचा वापर करावा.
कुटुंबातील सर्व लोकांपैकी जे कोरोना लस पात्र आहेत त्यांना लस द्या. लक्षात ठेवा, कोरोना लस लागू केल्यानंतर ताप, खोकला यासारख्या काही समस्या उद्भवू शकतात. पण घाबरू नका. कोणत्याही प्रकारची समस्या उद्भवल्यास कोविड हेल्पलाईनकडून मदत घ्या. संसर्ग होण्याच्या शक्यतेवर संपूर्ण कुटुंबाची कोरोना टेस्ट करा.