Happy birthday King Khan : बॉलिवूडच्या किंग खानचा 55 वा वाढदिवस, चाहत्यांकडून शुभेच्छांचा वर्षाव
अभिनय, खासगी आयुष्यातील गमती-जमती आणि स्टार बनण्यासाठीचा संघर्ष यामुळे त्याचे अनेक चाहते आहे. (King Khan's 55th birthday, a shower of good wishes from fans)
बॉलिवूडचा बादशाह, किंग खान असा अनेक नावाने प्रसिद्ध असलेल्या शाहरुख खानसाठी आज खास दिवस आहे. आज त्याचा 55 वा वाढदिवस आहे.
विशेष म्हणजे स्वत: आमिर खाननं शाहरुख खानचा कॅमिओ सीन शूट केल्याची चर्चा आहे.
खरंतर शाहरुख बॉलिवूडचाच नाही तर खऱ्या अर्थानं घरातलाही किंग आहे. याचं कारण आहे कुटुंबासाठी त्याच्या मनात असलेलं प्रेम. तो नेहमीच सोशल मीडियावर आपल्या हॅपी फॅमिलीचे फोटो शेअर करत असतो.
त्याची लव्ह स्टोरी अनेकांना भूरळ पाडणारी आहे. बॉलिवूडचा किंग असल्यानं त्याचे अनेक चाहते आहेत. मात्र तो त्याची पत्नी गौरी हिला आपल्या आयुष्यातील एक गिफ्ट मानतो.
सोशल मीडियावर एका चाहत्यानं शाहरुखला प्रश्न केला होता. लग्नाला 29 वर्ष झाले आहेत तर गौरीला काय गिफ्ट द्याल?, त्यावर शाहरुखनं रोमँटिक अंदाजात उत्तर दिलं होतं. आयुष्यातील सगळ्यात चांगल्या गिफ्टला मी काय गिफ्ट देणार, असे शाहरुख म्हणाला होता. तो नेहमी गौरीसाठी असलेलं प्रेम जाहीरपणे व्यक्त करत असतो.
शाहरुखची पत्नी गौरी खान हिंदू-पंजाबी परिवारातून आहे आणि या दोघांना 3 मुलं आहेत. आर्यन, सुहाना आणि अबराम. शाहरुख जेवढा चांगला पती आहे तेवढाच चांगला वडीलही आहे. तो नेहमीच आपल्या कुटुंबासोबत वेळ घालवण्याचा प्रयत्न करत असतो.
तिन्ही मुलांमध्ये तो मुलगी सुहानासोबत एक वेगळाच बॉन्ड शेअर करतो.