Coconut Water: अँटी-एजिंग आणि मुरुमांसाठी फायदेशीर ठरते नारळपाणी
नारळपाणी सर्व प्रकारच्या त्वचेसाठी उपयुक्त ठरते. तसेच त्याचे काही दुष्परिणामही नसतात. जाणून घेऊया नारळ पाण्याचे फायदे..
तहान भागवण्याबरोबरच नारळपाणी हे आपले शरीर निरोगी ठेवण्याचेही काम करते. ते हलके, तहान भागवणारे, त्वचेचा रंग उजळण्यासाठी अतिशय उपयुक्त मानले जाते. खास गोष्ट म्हणजे नारळाचं पाणी हे सर्व प्रकारच्या त्वचेसाठी उपयुक्त ठरते. तसेच त्याचे काही दुष्परिणामही नसतात. जाणून घेऊया नारळ पाण्याचे फायदे..
नारळ पाण्यामध्ये नैसर्गिक मॉयश्चरायझिंग गुणधर्म असतात आणि ते त्वचेला हायड्रेट व मॉयश्चराइझ करते. नारळ पाण्याने चेहरा धुतल्याने चेहऱ्यावरील डाग कमी होतात. तसेच चेहऱ्यावर नैसर्गिक चमक येऊ लागते.
नारळ पाण्यामध्ये पोटॅशिअम भरपूर प्रमाणात असते. नारळ पाणी आपल्या त्वचेला इतक्या चांगल्या पद्धतीने मॉयश्चराइझ करण्यामागचे हे मुख्य कारण आहे. तसेच, हे त्वचेच्या नवीन पेशींना वाढण्यास मदतही करते.
नारळ पाण्यामध्ये नैसर्गिकरित्या एक असा गुणधर्म असतो, जो अँटी-एजिंग म्हणून कार्य करतो. ते आपल्या त्वचेसाठी चांगले आहे. यामुळे चेहऱ्यावरील सुरकुत्या, फाइन लाइन्स या नियंत्रित होतात.
चेहऱ्यावर आलेली मुरुमे हटवण्यासाठी नारळ पाणी हा एक अनोखा आणि घरगुती उपाय आहे. त्यामध्ये अँटी- बॅक्टेरिअल तसेच अँटी-इन्फ्लेमेटरी गुणधर्म असतात, जे मुरुमांपासून मुक्तता देण्यासाठी एकत्र कार्य करतात.