तृतीयपंथी सपनाशी बाळूची लगीनगाठ, बीडमध्ये अनोख्या लग्नाचा थाटमाट
बीडमध्ये राहणारे सपना आणि बाळू गेल्या अडीच वर्षांपासून लिव्ह इन रिलेशनशिपमध्ये होते. अडीच वर्षांनंतर त्यांनी लग्नाचा विचार केला. दोघांच्या लग्नाला समाजात विरोध असल्याने लग्न नेमकं कसं करावं, असा प्रश्न त्यांच्यासमोर होता. मात्र आज अखेर सामाजिक न्याय विभाग आणि सामाजिक कार्यकर्त्यांमुळे हे दोघेही लग्नाच्या बेडीत अडकले आहेत.
जागतिक महिला दिनाच्या पूर्वसंध्येला तृतीयपंथी आणि तरुणाचा शानदार विवाह सोहळा पार पडला. बीडमध्ये तृतीयपंथी सपना आणि बाळू यांनी लगीनगाठ बांधली.
या विवाह सोहळ्यासाठी बीडवासियांनी मोठी गर्दी केली होती. सामाजिक कार्यकर्त्यांनी सपनाचे कन्यादान केले. तर तृतीयपंथीयांनी वरातीत नाचून आनंद व्यक्त केला.
बीडमध्ये राहणारे सपना आणि बाळू गेल्या अडीच वर्षांपासून लिव्ह इन रिलेशनशिपमध्ये होते. अडीच वर्षांनंतर त्यांनी लग्नाचा विचार केला.
दोघांच्या लग्नाला समाजात विरोध असल्याने लग्न नेमकं कसं करावं, असा प्रश्न त्यांच्यासमोर होता. मात्र आज अखेर सामाजिक न्याय विभाग आणि सामाजिक कार्यकर्त्यांमुळे हे दोघेही लग्नाच्या बेडीत अडकले आहेत.
लग्नाचे मुख्य आकर्षण होते. ते म्हणजे संजय झाल्टे आणि शिवलक्ष्मी... या दोघांनी बाळू आणि सपनाच्या लग्नासाठी आधीपासूनच बीडमध्ये हजेरी लावली होती. हे दोघेही सपनाच्या मागे खंबीर उभे राहिले.
बँड, बाजा, वरात, मिरवणूक, लग्नाच्या अक्षता आणि बीडचे ग्रामदैवत कन्कलेश्वर मंदिर परिसरात हा विवाह पार पडला. बीडमधील रहिवाशांच्या उपस्थितीत हा विवाह मोठ्या थाटात पार पडला.
विवाह प्रसंगी सपना आणि बाळूला सामाजिक स्तरातून अनेकांनी मदत केली. संसार उपयोगी साहित्य, मणी मंगळसूत्र याची जबाबदारी सामाजिक कार्यकर्ते सतीश भोसले यांनी स्वीकारून मामाचे कर्तव्य पार पाडले.
सुरुवातीला या लग्नाला बाळूच्या कुटुंबीयांचा विरोध होता. मात्र या दोघांच्या प्रेमापुढे कुटुंबाला झुकावे लागले
विवाह बंधनात अडकल्यानंतर या दोघांनी नवीन आयुष्याला सुरुवात केली. हे लग्न शेवटपर्यंत टिकेल, असा विश्वास देखील या दोघांनी व्यक्त केला आहे.
