भारतात क्वचितच मिळणाऱ्या या प्राण्याचे मांस चीनमध्ये प्रचंड लोकप्रिय
Famous Chinese Food : चीनमधील लोकांच्या आहारात किडे किंवा अळ्यांचा समावेश असतो असं तुम्ही ऐकले असेल. आज आपण भारतात क्वचितच मिळणाऱ्या पण चीनमध्ये लोकप्रिय मांसाहारी पदार्थांची माहिती जाणून घेऊयात.
पेकिंग डक : हे जगभरात प्रसिद्ध असलेले डकचे (बदकाचे) मांस आहे. यात बदकाची त्वचा कुरकुरीत होईपर्यंत भाजली जाते आणि ती सँडविचप्रमाणे विशिष्ट सॉस आणि काकडीसोबत सर्व्ह केली जाते.
कुंग पाओ चिकन : सिचुआन प्रांतातील ही एक तिखट आणि चविष्ट डिश आहे. यात चिकनचे तुकडे, शेंगदाणे, भाज्या आणि वाळलेल्या लाल मिरच्यांचा वापर केला जातो.
स्वीट अँड सोअर पोर्क : ही चीनच्या कँटोनीज खाद्यसंस्कृतीतील एक क्लासिक डिश आहे. यात डुकराच्या मांसाचे तुकडे तळून, गोड आणि आंबट सॉसमध्ये एकत्र केले जातात.
क्लाऊड-इअर डंपलिंग्ज आणि बाओझी : चीनमध्ये 'डंपलिंग्ज'मध्ये पोर्क, चिकन किंवा कोळंबीचे सारण भरून ते वाफेवर किंवा तळून खाल्ले जातात.
हॉट पॉट : हॉट पॉटमध्ये मांसाचे अतिशय पातळ काप करून ते उकळत्या सूपमध्ये शिजवून खाणे चीनमध्ये खूप आवडीचे आहे. यात बऱ्याचदा बीफ किंवा मेंढीचे मांस वापरले जाते. चिकन वगळता बदक आणि डुकराचे मांस भारतात क्वचितच उपलब्ध असते.
