मुंबई-नाशिक हायवेवर 3 गाड्यांचा थरारक अपघात, व्हील तुटून ब्रीजच्या फटीतून खाली कोसळले
मुंबई - नाशिक महामार्गावर (Mumbai Nashik highway) गंगा देवस्थान जवळील ब्रिजवर 3 गाड्यांचा विचित्र अपघात (Accident) झाला.
शहापूर (ठाणे) : मुंबई - नाशिक महामार्गावर (Mumbai Nashik highway) गंगा देवस्थान जवळील ब्रिजवर 3 गाड्यांचा विचित्र अपघात (Accident) झाला.
या थरारक अपघातात 2 जण जखमी झाले आहेत. आधी भरधाव कंटेनर पलटी झाला, त्याला मागून येणाऱ्या कंटेनरने धडक दिली आणि मग आयशर टेंपो येऊनही धडकला.
नाशिककडून मुंबईच्या दिशेने भरधाव वेगाने एक कंटेनर जात होता. त्यावेळी चालकाचा ताबा सुटून कंटेनर साधारण 200 फूट अंतरावरुन घसरत आला आणि दोन्ही लेनच्या मधोमध जाऊन ब्रीजच्या वर धडकून पलटला. त्यामुळे कंटेनरचे पुढील दोन्ही व्हील तुटून ब्रीजच्या मधोमध असलेल्या गॅपमधून खाली पडले.
गंगा देवस्थान (Ganga Devsthan) इथे रोज दर्शनासाठी अनेक भाविक जात असतात. मात्र दैव बलवत्तर म्हणून त्यावेळी कुणीही ब्रीज खाली नव्हते त्यामुळे मोठा अनर्थ टळला.
कटेंनर ब्रीजच्या वर जाऊन इतक्या जोरात पलटी झाला की, ब्रीजला खालच्या बाजूने मोठा तडा गेला आहे.
त्यानंतर त्या कंटेंनरला पाठीमागून येऊन दुसऱ्या कंटेनरने येऊन धडक दिली. त्याच्या पाठीमागे जात असलेल्या तिसऱ्या आयशर टेंपोचीही धडक बसली. असा हा तीन गाड्यांचा विचित्र अपघात झाला.
यामध्ये सर्वात आधी पलटी झालेल्या कंटेनरमधील ड्रायव्हर आणि क्लीनर जखमी झाले असून त्यांना उपचारासाठी जवळच्या रुग्णालयात दाखल करण्यात आले आहे
भीषण अपघातात कंटेनर पलटी