Photo | नगरच्या 3 मुलांना खेळताना आढळला दुर्मिळ प्रजातीचा कीटक
- नगर तालुक्यातील तीन विद्यार्थ्यांना खेळताना व्हायोलिन मँटीस हा आगळा वेगळा दुर्मिळ कीटक आढळून आला. करंजी जवळील कोल्हेवाडी परिसरात तन्वी, प्रियंका आणि शिवराम अकोलकर या विद्यार्थ्यांना खेळताना कचर्याची हालचाल होताना दिसून आली.
- सुक्ष्म निरीक्षण केल्यावर तो कचरा नसून जीव असल्याचे लक्षात आल्यावर पालकांच्या मदतीने त्यांनी जैवविविधता संशोधन व संवर्धन केंद्राचे निसर्ग अभ्यासक जयराम सातपुते यांच्याशी संपर्क केला. त्यानंतर कीटकाचे फोटो आणि व्हिडीओ त्यांनी निसर्ग अभ्यासकांना पाठवले.
- हा मॅंटीस प्रजातीतील व्हायोलिन मॅंटिस नावाचा कीटक असून त्याची लांबी 12 ते 15 सेमी असते. तसंच दिसायला तो त्वचेच्या रंगाचा असतो.
- ही अतिशय दुर्मिळ प्रजात असल्याचं सांगत विद्यार्थ्यांच्या निरीक्षण शक्तीचे सातपुते यांनी कौतुक केलं. या प्रजातीची माहिती घेऊन त्याला थोड्या वेळाने निसर्गात सोडून देण्यात आलं.