Navratri 2020 | नवरात्रीला 17 ऑक्टोबरपासून सुरुवात; जाणून घ्या शुभ मुहूर्त
यंदा नवरात्र उत्सवाला थोडा उशीर होत आहे. येत्या 17 ऑक्टोबपासून नवरात्रीला सुरुवात होत आहे. (Navaratri Pooja Dasshera Devi Durga)
यावर्षी अधिक मास असल्यामुळे नवरात्र उत्सव उशिरा आला आहे. येत्या 17 ऑक्टोबपासून नवरात्रीला सुरुवात होत आहे. नवरात्रीत देवी दूर्गाच्या 9 रुपांना पूजलं जातं. ज्योतिषांच्या म्हणण्यानुसार यंदा 58 वर्षांनंतर यावर्षी अत्यंत शुभ मुहूर्त आला आहे.
यावर्षी 58 वर्षांनंतर शनी मकर राशीत असणार आहे. तर गुरु हा धनु राशीत असणार आहे. जोतिषांनुसार हा क्षण अनेकांना लाभदायक ठरणार आहे.
नवरात्रीच्या पहिल्या दिवशी शैलपुत्रीची पुजा केली जाते, सोबतच घटस्थापनासुद्धा करण्यात येते.
यावर्षी घटस्थापनेचा शुभ मुहूर्त शनिवारी, 17 ऑक्टोबरला सकाळी 6 वाजून 10 मिनिटांनी आहे. काही कारणांमुळे तुम्ही या वेळेत पूजा करू न शकल्यास, त्याच दिवशी सकाळी 11 वाजून 02 मिनिटांपासून ते 11: 49 मिनिटांच्या कालावधीत तुम्ही पूजा करू शकता.
वास्तुशास्राप्रमाणे पूजास्थळ उत्तर- पूर्व दिशेला असायला पाहिजे. त्यामुळे घटस्थापना उत्तर- पूर्व दिशेला करा.
नवरात्रीत काय गोष्टी करायच्या, काय नाहीत; जाणून घ्या आणि खबरदारी घ्या