PHOTO : अखेर देवाचं दार उघडलं, मुंबईत मंदिराला कोव्हिड सेंटर बनवलं!
Pawandham covid center या मंदिराच्या आतमध्ये हॉस्पिटल सुरु करण्यात आलं आहे. सध्या इथे 100 बेडची व्यवस्था करण्यात आली आहे.
मुंबई : कोरोना उद्रेकामुळे महाराष्ट्रात 15 दिवसांची संचारबंदी (Maharashtra Sanchar Bandi) आहे. दिवसेंदिवस कोरोना रुग्णसंख्या झपाट्याने वाढत आहे. त्यामुळे रुग्णालये खचाखच (Maharashtra coronavirus) भरली आहेत.
नव्या रुग्णांना रुग्णालयांमध्ये बेडही मिळत नाहीत. त्यामुळे अनेक ठिकाणी एका बेडवर दोन रुग्ण अशी परिस्थिती आहे.
अशा परिस्थितीत मुंबईतील कांदिवली इथल्या पावनधाम मंदिरात कोव्हिड सेंटर उभं करण्यात आलं आहे.
पावनधाम मंदिरात (Pawandham covid center Kandivali mumbai) कोव्हिड सेंटरचे पुन्हा एकदा रिओपनिंग केले गेले.
या मंदिराच्या आतमध्ये हॉस्पिटल सुरु करण्यात आलं आहे. सध्या इथे 100 बेडची व्यवस्था करण्यात आली आहे. त्याशिवाय ऑक्सिजनचीही व्यवस्था आहे. या मंदिरातील रुग्णालयात 24 तास डॉक्टरांचं पथक उपलब्ध आहे. या मंदिरातील रुग्णालयात साफसफाईकडे विशेष भर देण्यात आला आहे.
