PHOTO: उरलेले अन्न आणि सुका कचऱ्याचा वापर, कर्जतमध्ये 300 झाडं असलेलं अनोखं ‘टेरेस गार्डन’
अहमदनगरला कर्जत शहरातील गृहिणी सुवर्ण पोटरे यांनी आपल्या घराच्या छतावर सुंदर बाग फुलवली आहे.
- अहमदनगरला कर्जत शहरातील गृहिणी सुवर्ण पोटरे यांनी आपल्या घराच्या छतावर सुंदर बाग फुलवली आहे.
- सध्या ही बाग बघण्यासाठी अनेक जण हजेरी लावताहेत. तसेच बागेला भेट देऊन या उपक्रमाचं कौतुक करत आहेत.
- या बागेत सुवर्णा पोटरे यांनी वेगवेगळ्या प्रकारची तब्बल 300 झाडं लावली आहेत.
- विशेष म्हणजे घरातील उरलेले अन्नपदार्थ तसेच ओल्या आणि सुक्या कचऱ्यावर प्रक्रिया करत त्याचे कंपोस्ट खत तयार केले जाते.
- हेच खत या झाडांना वापरले जाते. ही बाग 700 चौरस फूट जागेत फुलवण्यात आलीय.
- या बागेत पक्षीही मनसोक्त मुक्काम करताना पाहायला मिळतात.
- सध्या या बागेत वेगवेगळ्या प्रकारच्या पालेभाज्या, फळे, फुलं आणि औषधी वनस्पतींची लागवड करण्यात आलीये.
- या बागेत आंबा, चिकू, सिताफळ, संत्रा, मोसंबी, लिंबू, पेरू, अंजीर अशी अनेक फळझाडंही लावण्यात आली आहेत.
- भाजीपाल्यामध्ये कारले, अळूची पाने, मेथी, शेपू, पालक, वांगी, टोमॅटो, काकडी, हादग्याची फुलं, वाल, तांदूळसा लावण्यात आलाय.
- त्याचबरोबर कृष्ण तुळस, रान तुळस, गवती चहा, पुदिना, पानफुटींचाही समावेश आहे.
- फुलांमध्ये गुलाब, रान चाफा, सोनचाफा, मोगरा, रेनलिली, जास्वंद, शेवंती, चिनी रातराणी, तागडा, निशिगंध, गुलाब, गोकर्ण फुलांची झाडे या ठिकाणी लावण्यात आली आहेत.
Follow Us
