‘बाळूमामाच्या नावानं चांगभलं’ नांदेडमध्ये संत बाळूमामाच्या पालखीचा सोहळा थाटात संपन्न
मागिल दोन वर्ष कोरोनाचे संकट असल्याने सणांवर त्याच प्रमाणे देवस्थांनावर बंधने आणण्यात आली होती. कोरोना निर्बंध कमी केल्यानंतर दोन वर्षांनंतर नांदेडमध्ये संत बाळूमामाच्या पालखीचा सोहळा चांगलाच रंगलाय.
मागिल दोन वर्ष कोरोनाचे संकट असल्याने सणांवर त्याच प्रमाणे देवस्थांनावर बंधने आणण्यात आली होती. कोरोना निर्बंध कमी केल्यानंतर दोन वर्षांनंतर नांदेडमध्ये संत बाळूमामाच्या पालखीचा सोहळा चांगलाच रंगलाय.
किनवट तालुक्यातील भिसी गावात या सोहळ्यात हजारो भाविकांनी सहभाग नोंदवला होता. बाळू मामांच्या पालखी आणि मानाच्या अश्वाचे दर्शन घेण्यासाठी शेजारच्या तेलंगणा आणि कर्नाटक राज्यातील भाविकांनी मोठ्या संख्येने हजेरी लावली होती.
यावेळी महिला पारंपारिक वेश परिधान करुन फुगड्या घालत आनंद व्यक्त करताना दिसल्या, त्याच प्रमाणे यावेळी मानाच्या अश्वाची मनोभावे पूजा करण्यात आली. सर्वकडे भक्तीभावचे वातावरण पाहायला मिळाले.
यावेळी मोठया प्रमाणात अन्नदान करत पालखी सोहळ्याची सांगता करण्यात आलीय. भाविकांच्या मनातील आनंदी भाव त्यांच्या चेहऱ्यावर दिसत होते.
कर्नाटक राज्यातील चिक्कोडी तालुक्यात अक्कोळ हे संत बाळूमामा यांचे गांव. या गावातील श्री मायाप्पा आरभावे व त्यांची पत्नी सत्यव्वा या सात्विक धनगर जोडप्याच्या पोटी बाळूमामांचा जन्म झाला.
