Happy birthday King Khan : इस बार का प्यार, थोडा दूरसे मेरे यार….शाहरुखकडून गर्दी टाळण्याचं आवाहन
यंदा कोरोनाच्या प्रादुर्भावामुळे मन्नतबाहेर गर्दी न करण्याचं आवाहन स्वत: किंग खानने केलं आहे. (Shahrukh Khan's appeal to avoid the crowd on his birthday)
लाखोंच्या मनावर अधिराज्य गाजवणाऱ्या किंग खानचा आज 55 वा वाढदिवस आहे. दरवर्षी शाहरुखच्या वाढदिवशी त्याच्या मन्नत या बंगल्यासमोर हजारो चाहते त्याला भेटण्यासाठी गर्दी करतात.
मात्र यंदा कोरोना विषाणूच्या प्रादुर्भावामुळे मन्नतबाहेर गर्दी न करण्याचं आवाहन स्वत: किंग खानने केलं आहे.
दरवर्षी वाढदिवसानिमित्त शाहरुखच्या घरासमोर मोठ्या प्रमाणात गर्दी होते. तोसुद्धा चाहत्यांना भेटण्यासाठी फार उत्सुक असतो.
दरवर्षी वाढदिवशी तो चाहत्यांना झलक देण्यासाठी त्याच्या गॅलरीमध्ये हजर असतो. मात्र यंदा मन्नतसमोर शुकशुकाट पाहायला मिळत आहे
जरी त्याच्या चाहत्यांनी बंगल्याबाहेर गर्दी केली, तरी पोलिसांकडून त्यांची समजूत काढत पुन्हा घरी पाठवलं जाईल.
शाहरुखला त्याच्या एका चाहत्यानं वाढदिवसाचे प्लॅन्स विचारले. त्यावेळी शाहरुख म्हणाला, यंदा कोरोनामुळे मन्नतबाहेर कोणीही गर्दी करु नका. माझ्या घरासमोरच नाही तर कुठेही गर्दी करु नका. इस बार का प्यार, थोडा दूरसे मेरे यार....' असे आवाहन त्याने चाहत्यांना केलं.