PHOTO | “कचऱ्यात रस्ता की रस्त्यात कचरा”, धुळ्यात शिवसेनेकडून कचऱ्याचा पंचनामा
शहरातील घाणीच्या साम्राज्याकडे महापालिका प्रशासन जाणीवपूर्वक दुर्लक्ष करत असल्याचं म्हणत आज शिवसेनेने रस्त्यावर पडलेल्या कचऱ्याचा पंचनामा करुन लक्षवेधी आंदोलन केले.
-
-
धुळे शहरात “कचऱ्यात रस्ता की रस्त्यात कचरा” असा प्रश्न आता सर्वसामान्यांना पडतो आहे. वाढत्या घाणीच्या साम्राज्यामुळे नागरिकांचे आरोग्य धोक्यात आले आहे. त्यामुळे धुळेकरांना नाहक त्रास सहन करावा लागत आहे, असा आरोप शिवसेनेने केला.
-
-
शहरातील घाणीच्या साम्राज्याकडे महापालिका प्रशासन जाणीवपूर्वक दुर्लक्ष करत असल्याचं म्हणत आज शिवसेनेने रस्त्यावर पडलेल्या कचऱ्याचा पंचनामा करुन लक्षवेधी आंदोलन केले.
-
-
शहराचा आत्मा असलेल्या धुळे शहरातील विविध भागात जागोजागी कचऱ्याचे ढीग साचले आहेत. त्यावर डास, मच्छर आणि डुकरांचा सुळसुळाट पाहायला मिळत आहे.
-
-
कोरोना सारख्या महामारीच्या परिस्थितीत देखील मनपा प्रशासन या समस्येकडे दुर्लक्ष करत आहे. धुळे महापालिकेचे कचरा ठेकेदार महिन्याला लाखो रुपयांचे बिल काढत असतो. मात्र, तरी देखील काम दिसून येत नाही, मग ठेकेदार पैसे घेतो तरी कशाचे? असा सवाल देखील शिवसेनाच्या पदाधिकाऱ्यांनी यावेळी उपस्थित केला.
-
-
त्या पार्श्वभूमीवर आज मनपा प्रशासनाला कुंभ झोपेतून जागे करण्यासाठी शिवसेनेने कचऱ्याच्या ढिगार्यात जाऊन प्रत्यक्ष पंचनामा करुन लक्षवेधी आंदोलन केले आहे.
-
-
यावेळी शिवसेनेचे जिल्हाप्रमुख हिलाल अण्णा माळी, युवा प्रमुख पंकज गोरे, अतुल सोनवणे, किरण जोंधळे, प्रफुल पाटील आणि शिवसैनिक कार्यकर्ते आणि पदाधिकारी उपस्थित होते.