Photo: बिकिनीत अभ्यास; किम कार्दशियनच्या फोटोंचा सोशल मीडियावर धुमाकूळ
किम कार्दशियन तिच्या वेगवेगळ्या स्टाईलसाठी ओळखली जाते. तसेच किमचा वादांसोबत जुना संबंध आहे. किम कर्दाशियन सोशल मीडियावर प्रचंड अॅक्टिव असते आणि चाहत्यांना तिच्या आयुष्याची झलक देत असते. आता किम एका वेगळ्या प्रकारे अभ्यास करताना दिसली आहे.
किम कार्दशियन लॉचा अभ्यास करतेय. तिला वकील व्हायचं आहे आणि हे स्वप्न पूर्ण करण्यासाठी ती बऱ्याच दिवसांपासून अभ्यासात मग्न आहे. आता तिच्या लॉच्या परीक्षेची तयारी करत असताना तिने काही फोटो शेअर केले आहेत आणि हे फोटो सोशल मीडियावर प्रचंड व्हायरल होत आहेत.
किम कार्दशियन तिच्या परीक्षेची तयारी बिकिनी परिधान करून करताना दिसत आहे. सूर्याचा आनंद घेताना तिने आपल्या परीक्षेच्या तयारीचे फोटो शेअर केले आहेत. फोटोंमध्ये किमनं क्रीम कलरची स्ट्रिंग बिकिनी परिधान केलेली दिसत आहे. पोस्ट शेअर करताना तिनं लिहिले, "उन्हात अभ्यास".
किमचे हे फोटो पाहून तिचे चाहते खूप प्रभावित झाले आहेत. 46 लाखाहून अधिक लोकांनी सोशल मीडिया हे फोटो लाईक केले आहेत. बर्याच कमेंट्सही करण्यात आल्या आहेत. एका चाहत्यानं तर विचारलं की, "हे कोणतं लॉ स्कूल आहे? ''
किम या बिकिनी फोटोंशिवाय हॉलीवूडचा फेमस रैपर आणि नवरा कान्ये वेस्टपासून घटस्फोटाच्या बातम्यांमुळेसुद्धा चर्चेत आहे. किमने 6 वर्ष कान्ये वेस्टसोबत राहिल्यानंतर त्यांचे लग्न संपवण्याचा निर्णय घेतला आहे. 2021 फेब्रुवारीमध्ये त्यांनी घटस्फोटासाठी अर्ज केला होता.
