Photo Gallery | मंत्र्यांच्या घरासमोर आदिवासी बांधवांचा एल्गार!
मुंबई येथे आदिवासी विकास मंत्री के. सी. पाडवी यांच्या घरासमोर आदिवासी बांधवांनी आंदोलन सुरू केले आहे. वनजमीन हक्क कायद्याची प्रभावी अंमलबजावणी करावी, अशी आंदोलकांची मागणी आहे.
मुंबईत आदिवासी विकास मंत्री के. सी. पाडवी यांच्या शासकीय निवासस्थानासमोर लोकसंघर्ष मोर्चाच्या प्रतिभा शिंदे यांच्या नेतृत्वाखाली हे आंदोलन सुरू करण्यात आले आहे.
आदिवासी मंत्र्यांनी वनजमीन हक्क कायद्याची प्रभावी अंमलबजावणी करण्याचे आश्वासन दिले होते. त्या आश्वासनाची पूर्तता करावी, अशी आंदोलकांची मागणी आहे.
राज्यात वनजमीन हक्क कायदा पायदळी तुडवला जातो. त्यामुळे आदिवासी बांधवांना अनेक त्रास सहन करावा लागतो. त्यांचे दावे मान्य होत नाहीत.
आदिवासी कसत असलेल्या जमिनीवरील पिके वनविभागाकडून नष्ट करण्यात येत आहे, असा आरोप आंदोलकांच्या नेत्या प्रतिभा शिंदे यांनी केला आहे.
वनजमिनीचे शेकडो दावे आयुक्तांकडे प्रलंबित आहेत. ते तातडीने निकाली काढावेत. आदिवासी बांधवांची सरकारी जाचातून सुटका करावी, अशी मागणी आंदोलकांनी केली आहे.
मंत्री के. सी. पाडवी यांच्या घरासमोर सुरू असलेल्या या आंदोलनाला शेकडो आदिवासी महिला उपस्थित आहेत. यावेळी त्यांनी जोरदार घोषणाबाजी केली.
