नवाब मलिकांच्या घरासमोर कार्यकर्त्यांचा बॅनर “कुछ ही देर की खामोशी है फिर शोर आएगा तुम्हारा तो सिर्फ वक्त है हमारा दौर आएगा”

नवाब मलिक यांच्या घरासमोरचा बॅनर

मुंबई – नवाब मलिक (nawab malik) यांना ईडीने (ED) ताब्यात घेतल्यापासून त्याची चौकशी सुरू असल्याने त्यांनी ईडीच्या कस्टडीमध्ये ठेवण्यात आले आहे. भाजपा (BJP) चुकीच्या पध्दतीने महाविकास आघाडीतील नेत्यांना टार्गेट करीत असल्याचे महाविकास आघाडीतील अनेक नेत्यांचे म्हणणे आहे, तर नवाब मलिक यांनी चुकीच्या पध्दतीने जमीन खरेदी केली असल्याचे भाजपचे म्हणणे आहे. त्यामुळे त्यांनी केलेल्या गुन्ह्याची त्यांना शिक्षा मिळेल. सत्ताधारी आणि विरोधकांमध्ये यामुळे जोरदार जुंपल्याचं पाहायला मिळत आहे. भाजपाच्या अनेक कार्यकर्त्यांनी राज्यभर नवाब मलिकांचा यांचा राजीनामा घ्यावा म्हणून आंदोलन देखील केलं आहे. राष्ट्रवादीच्या कार्यकर्त्यांनी नवाब मलिक यांच्या समर्थनार्थ बॅनर लावले असून त्याची चर्चा सध्या जोर धरू लागली आहे.

नवाब मलिक यांच्या घरासमोर बॅनर

मलिकांना अटक केल्यानंतर महाविकास आघाडीच्या नेत्यांनी काल मंत्रालय परिसरात धरणं आंदोलन केलं. त्यावेळी तिथं तिन्ही पक्षाचे नेते उपस्थित होते. आंदोलनादरम्यान भाजपाच्या विरोधात बोलणा-या प्रत्येक पक्षाला देशात असं टार्गेट केलं जात असल्याचा आरोप महाविकास आघाडीतील नेत्यांनी केला आहे. राष्ट्रीय यंत्रणा चुकीच्या ठिकाणी वापर होत असून ही संविधानाची पायमल्ली होत असल्याची टीका बाळासाहेब थोरात यांनी केली. आज नवाब मलिक यांच्या घरांच्या समोर काही कार्यकर्त्यांनी “कुछ ही देर की खामोशी है फिर शोर आएगा तुम्हारा तो सिर्फ वक्त है हमारा दौर आएगा” आणि सब सवालों का एक ही जवाब, हमारे नवाब असे आशल लिहिलेले बॅनर लावण्यात आले आहेत त्यामुळे तिथल्या कार्यकर्त्यांनी भाजपाला बॅनरच्या माध्यमातून उत्तर दिले आहे.

किरीट सोमय्यांच्या रडारवर आता कोण ?

नवाब मलिकांना अटक झाल्यानंतर आता नंबर कोणाचा अशी चर्चा भाजपाच्या गोठात आहे, परंतु महाविकास आघाडीतील अनेकांनी घोटाळे केले असल्याने मी किमान 25 तरी घोटाळे बाहेर काढणार असं किरीट सोमय्यांनी सकाळी घेतलेल्या पत्रकार परिषदेत सांगितले आहे. तसेच शिवसेनेचे अनेक नेते किरीट सोमय्यांच्या रडारवर आहेत. तसेच मुख्यमंत्र्यांनी उत्तर द्यावे, संजय राऊतांना पुढे लावू नये. 19 बंगल्यांचा हिशोब किरीट सोमय्यांना द्यावाचं लागणार असंही किरीट सोमय्या झालेल्या पत्रकार परिषदेत म्हणाले आहेत.

Yashwant Jadhav: कोण आहेत शिवसेनेचे यशवंत जाधव, जे आयटीच्या रडारवर आलेले आहेत?

Russia-Ukraine War: रशिया-युक्रेन युद्धावरच्या भारतीय भूमिकेवर अमेरिका नाराज, बायडेन यांना काय हवे?

उपमहापौरासह भाजपचे 4 नगरसेवक शिवसेनेच्या गळाला; नाशिकमध्ये फोडाफोडीला वेग!