काँग्रेसने हाकललं, भाजपने स्वागत केलं…!
आसाम काँग्रेसला मोठा झटका बसला आहे. माजी मंत्री आणि सध्याच्या आमदार अजंता निओग यांनी भाजपमध्ये प्रवेश करणार असल्याची घोषणा केली आहे.
गुवाहटी : आसाम काँग्रेसला मोठा झटका बसला आहे. माजी मंत्री आणि सध्याच्या काँग्रेस पक्षाच्या आमदार अजंता निओग यांनी भाजपमध्ये प्रवेश करणार असल्याची घोषणा केली आहे. पुढील वर्षी होणाऱ्या आसाम विधानसभा निवडणुकीच्या अगोदर काँग्रेस पक्षाला हा मोठा झटका मानण्यात येतोय. (Former Assam minister And Congress leader Ajanta Neog met Amit Shah join bjp)
माजी मंत्री आणि सध्याच्या आमदार अजंता निओग यांची काँग्रेस पक्षाने पक्षविरोधी कारवाया केल्याने शुक्रवारी पक्षातून हकालपट्टी केली होती. याचसोबत निओग यांना पक्षातर्फे कारणे दाखवा नोटीस देखील पाठवण्यात आली होती. या सगळ्या प्रकारानंतर निओग यांनी काँग्रस पक्षाला सोडचिठ्ठी देण्याचा निर्णय घेतला. त्यांनी तात्काळ आपल्या काँग्रेस पक्षाच्या प्राथमिक सदस्यत्वाचा राजीनामा दिला.
येत्या एक ते दोन दिवसांत आपण भारतीय जनता पक्षामध्ये प्रवेश करणार असल्याचं एएनआयशी बोलताना निओग यांनी सांगितलं आहे. तसंच निओग यांनी गृहमंत्री अमित शहा यांचीही भेट घेतली आहे. निओग यांच्याबरोबर आणखी काँग्रेस आमदार पक्षाला सोडचिठ्ठी देऊन भाजपमध्ये प्रवेश करणार का? हे पाहणे महत्त्वाचे आहे.
I will be joining Bharatiya Janata Party in a day or two: Assam MLA Ajanta Neog who was expelled from the primary membership of Congress yesterday#Guwahati pic.twitter.com/hFIfLFXFOJ
— ANI (@ANI) December 26, 2020
दरम्यान, काही दिवसांपूर्वी निओग यांनी आसामचे मुख्यमंत्री सोनोवाल यांची त्यांच्या निवासस्थानी जाऊन भेट घेतली होती. तब्बल एक तासापेक्षा अधिक काळ उभयतांमध्ये चर्चा रंगली. त्यानंतर निओग यांनी नॉर्थ इस्ट डेमोक्रॅटिक अलायन्सचे हिमांता बिस्वा शर्मा यांचीही भेट घेतली होती. याच कारणामुळे पक्षविरोधी कारवाया केल्याचा ठपका ठेऊन काँग्रेसने निओग यांची काँग्रेस पक्षाने हकालपट्टी केली. (Former Assam minister And Congress leader Ajanta Neog met Amit Shah join bjp)
हे ही वाचा
नरेंद्र मोदींचे भाषण ऐकणाऱ्या कार्यकर्त्यांवर पंजाब सरकारचा लाठीचार्ज, भाजप खासदाराचा आरोप