DC vs SRH Live Score, IPL 2021 : दिल्लीचा हैद्राबादवर दणकेबाद विजय, 8 विकेट्सने सामना घातला खिशात

सुरुवातीला उत्तम गोलंदाजी करत हैद्राबादला अवघ्या 134 धावांवर रोखल्यानंतर दिल्ली संघाने उत्कृष्ट फलंदाजी करत केवळ दोन विकेटच्या बदल्यात सामना जिंकला आहे.

16 व्या षटकात ऋषभ पंतने षटकार ठोकत दिल्लीचं शतक पूर्ण केलं आहे. (दिल्ली 106/2)

दिल्लीने शिखर धवनच्या रुपात दुसरी विकेट गमावली आहे. राशिद खानने त्याला अब्दुल समदकरवी झेलबाद केलं. धवनने 42 धावांची खेळी केली. (दिल्ली 72/2)

पृथ्वी शॉ लवकर बाद झाल्यानंतर शिखर धवन (32) आणि श्रेयस अय्यर (08) या दोघांनी सावधपणे आगेकूच केली आहे. त्यामुळे दिल्लीने 8 षटकात 51 धावांपर्यंत मजल मारली आहे.

हैद्राबादचा कर्णधार केन विल्यमसनने खलील अहमदच्या चेंडूवर पृथ्वी शॉचा अप्रतिम झेल पकडत संघाला पहिलं यश मिळवून दिलं. 20 धावांवर दिल्लीचा पहिला गडी बाद झाला आहे.

135 धावांचा पाठलाग करण्यासाठी दिल्लीने फलंदाजी करण्यास सुरुवात केली आहे. शिखर धवन आणि पृथ्वी शॉ सलामीला आल आहेत.

अखेरच्या षटकात दोन रनआऊट झाल्यामुळे हैद्राबादचा संघ 140 धावांचा आकडा पार करु शकला नाही. ज्यामुळे ते केवळ 134 धावांपर्यंत मजल मारु शकले आहेत. आता दिल्लीला विजयासाठी केवळ 135 धावांची गरज आहे.

अखेरच्या षटकात 22 धावा करुन राशिद खान धावचीत झाला आहे.

हैद्राबाद संघाचा डाव सावरण्याचा प्रयत्न करणाऱ्या अब्दुल समदला बाद करण्यात कागिसो रबाडाला यश आलं आहे. रबाडाच्या चेंडूवर ऋषभ पंतने त्याचा झेल घेतला आहे.

हैद्राबाद संघाचा सहावा विकेट अष्टपैलू खेळाडू जेसन होल्डरच्या रुपात गेला आहे. अक्षरच्या चेंडूवर पृथ्वीने त्याचा झेल टिपला आहे.

हैद्राबाद संघाचा आणखी एक विकेट केदार जाधवच्या रुपात पडला आहे. ए. नॉर्खियाने त्याला पायचीत केलं आहे.

केन बाद होताच पुढच्याच ओव्हरमध्ये मनिष पांडेही बाद झाला आहे. कागिसो रबाडाने त्याच्याच चेंडूवर स्वत:च झेल घेत पांडेला तंबूत धाडलंं.

हैद्राबाद संघाचा कर्णधार केन विल्यमसनला दोन जीवदान मिळाल्यानंतर तिसऱ्या वेळी मात्र तो बाद झाला आहे. एकदा पंतने आणि एकदा पृथ्वीने केनचा झेल सोडल्यानंतर अखेर हीटमायरने अक्षरच्या चेंडूवर केनचा झेल पकडला.

मागील काही काळापासून मैदानापासून दूर असलेला आश्विन दिल्लीकडून सामना खेळत आहे. पण त्याला पहिल्याच चेंडूवर विल्यमसनने चौकार मारला आहे.

पहिल्याच षटकात वॉर्नर बाद झाल्यानंतर हैद्राबादचा डाव सावरणारा वृद्धिमान साहाही बाद झाला आहे. रबाडाच्या चेंडूवर गब्बर शिखर धवनने त्याचा झेल घेतला आहे.

सामना सुरु होताच सनरायजर्स हैद्राबादला मोठा झटका बसला आहे. त्यांचा दिग्गज फलंदाज डेव्हिड वॉर्नर शून्यावर बाद झाला आहे. नॉर्खियाच्या चेंडूवर अक्षर पटेलने त्याचा झेल घेतला.

पृथ्वी शॉ, शिखर धवन, श्रेयस अय्यर, ऋषभ पंत (कर्णधार/यष्टीरक्षक), मार्कस स्टयनिस, शिमरॉन हिटमायर, अक्षर पटेल, आर आश्विन, कागिसो रबाडा, आवेश खान, ए. नॉर्खिया

डेव्हिड वॉर्नर, रिद्धिमान साहा (यष्टीरक्षक), मनिष पांडे, केन विल्यमसन (कर्णधार), केदार जाधव, अब्दुल समाद, जेसन होल्डर, राशिद खान, भुवनेश्वर कुमार, खलील अहमद, संदीप शर्मा

सामन्याला काही वेळातच सुरुवात होणार आहे. सनरायजर्स हैद्राबादने नाणेफेक जिंकत फलंदाजी निवडली आहे.

कोरोना महामारीने पुन्हा एकदा आयपीएलमध्ये शिरकाव केला आहे. सनरायजर्स हैद्राबाद संघाचा खेळाडू आणि भारताचा गोलंदाजा टी नटराजन याला कोरोनाची बाधा झाली आहे. त्यामुळे आजच्या सामन्यावरही रद्द होण्य़ाचे सावट होते. पण टी नटराजन कोरोनाबाधित आढळताच त्याच्यासह हैद्राबाद संघातील सहा सदस्यांना विलगीकरणात ठेवण्यात
आलं आहे. सुरक्षेचा उपाय म्हणून हे पाऊल उचललं असून आज होणाऱ्या SRH vs DC सामन्यावर मात्र कोणतं संकट नसल्याचंही स्पष्ट करण्यात आलं आहे.