टीम इंडियातून वगळलेल्या खेळाडूचा द. आफ्रिकेत जलवा, सलग 3 अर्धशतकं ठोकून रहाणेची डोकेदुखी वाढवली
न्यूझीलंडविरुद्धच्या कसोटी मालिकेसाठी टीम इंडियामध्ये निवड न झालेल्या हनुमा विहारीने पुन्हा एकदा आपल्या फलंदाजीने निवड समितीला उत्तर दिले आहे.
न्यूझीलंडविरुद्धच्या कसोटी मालिकेसाठी टीम इंडियामध्ये निवड न झालेल्या हनुमा विहारीने पुन्हा एकदा आपल्या फलंदाजीने निवड समितीला उत्तर दिले आहे. हनुमा विहारीने दक्षिण आफ्रिका-A विरुद्धच्या तिसऱ्या अनधिकृत कसोटी सामन्यात शानदार अर्धशतक झळकावले.
हनुमा विहारीने या मालिकेत सलग तिसरे अर्धशतक ठोकले आहे. विहारीने मागील दोन डावात 54 आणि 72 धावांची खेळी केली आहे. या खेळीच्या बळावर त्याने स्वत:ला सिद्ध केले आहे. या कामगिरीच्या जोरावर हनुमा आता निवड समितीला दक्षिण आफ्रिका दौऱ्यासाठी टीम इंडियामध्ये संधी देण्यास भाग पाडणार आहे. रहाणेच्या जागी हनुमा विहारी हा मोठा दावेदार आहे.
हनुमा विहारीशिवाय यष्टीरक्षक इशान किशननेही शानदार फलंदाजी करत अर्धशतक झळकावले. मात्र, टीम इंडियाचा सलामीवीर पृथ्वी शॉ 5 आणि देवदत्त पडिक्कल 8 धावा करून बाद झाले.
याआधी टीम इंडियाचे वेगवान गोलंदाज दीपक चहर आणि नवदीप सैनी यांनी तिसऱ्या अनधिकृत कसोटीत अप्रतिम गोलंदाजी केली. दीपक चहरने 4 आणि नवदीप सैनीने 3 बळी घेतले.
भारताचा दक्षिण आफ्रिका दौरा 26 डिसेंबरपासून सुरू होणार आहे. या दौऱ्यात भारतीय संघ तीन कसोटी सामन्यांची मालिका खेळणार असून त्यातील पहिली कसोटी जोहान्सबर्ग येथे होणार आहे. यानंतर तीन सामन्यांची वनडे मालिका होणार आहे.
