India vs New Zealand Live, WTC Final 2021 2nd Day : खराब प्रकाशमानामुळे दुसऱ्या दिवसाचा खेळ संपुष्टात, कोहली-रहाणे जोडी मैदानात, भारत 146/3

खराब प्रकाशमानामुळे पंचांनी दुसऱ्या दिवसाचा खेळ थांबवण्याचा निर्णय घेतला आहे. दिवसभरात केवळ 64.4 षटकं खेळवता आली. दरम्यान, भारतीय संघाने आतापर्यंत 3 बाद 146 धावांपर्यंत मजल मारली आहे. कर्णधार आणि उपकर्णधाराची जोडी मैदानात असून दोघेही डाव सावरण्याचा प्रयत्न करत आहेत. विराट 44 तर अजिंक्य रहाणे 29 धावांवर खेळत आहेत.

अंधुक प्रकाशामुळे सामन्याच्या पहिल्या दिवसातील तिसऱ्या सत्राचा खेळ स्थगित करण्यात आला आहे. तत्पूर्वी भारतीय संघाने 3 बाद 134 धावापर्यंत मजल मारली आहे. कर्णधार विराट कोहली (40) आणि उपकर्णधार अजिंक्य रहाणे (22) ही जोडी भारताचा डाव सावरण्याचा प्रयत्न करत आहे.

चहापानापर्यंत भारतीय संघाने 55.3 षटकात 3 बाद 120 धावांपर्यंत मजल मारली आहे. कर्णधार विराट कोहली (35) सावधपणे डाव पुढे नेण्याचा प्रयत्न करत आहे. तर दुसऱ्या बाजूला उपकर्णधार अजिंक्य रहाणे (13) अजूनही एकेका धावेसाठी संघर्ष करत असल्याचे पाहायला मिळत आहे. 54 चेंडू खेळल्यानंतरही तो खेळपट्टीवर सेट झाला आहे असं वाटत नाही. दरम्यान, अंधूक प्रकाशामुळे पंचांनी चहासाठीचा ब्रेक लवकर घेण्याचा निर्णय घेतला आहे.

बऱ्यास वेळानंतर भारतीय संघाला एक चौकार मिळाला आहे. भारताचा अनुभवी फलंदाज अजिंक्य रहाणेने कॉलीन डी-ग्रँडहोमला चौकार खेचला आहे. या चौकारासोबतच 53 ओव्हरनंतर भारताचा स्कोर 112 वर तीन बाद झाला आहे.

भारताकडून शुभमन गिल आणि रोहित शर्माने चांगली सुरुवात करुन दिली मात्र दोघेही काही वेळातच बाद झाले. त्यानंतर पुजाराही बाद झाल्यानंतर सध्या कर्णधार विराट आणि अजिंक्य रहाणे खेळत आहेत. भारतीय संघाच्या 100 धावा पूर्ण झाल्या आहेत. 100 धावा पूर्ण करण्यासाठी भारताला 47 ओव्हर लागल्या.

संयमी खेळी करणारा भारताचा चेतेश्वर पुजारा बाद झाला आहे. अनुभवी ट्रेन्ट बोल्टने 40 व्या ओव्हरमध्ये पुजाराला पायचीत करत बाद केले आहे. पुजारा 54 बॉल्समध्ये 8 धावा करुन बाद झाला. त्यामुळे 41 ओव्हरनंतर भारतीय संघाची स्थिती 91 वर 3 बाद अशी झाली आहे. (India vs New Zealand live score WTC Final 2021 2nd Day Match Scorecard online Southampton in marathi)

काही बॉल्सच्या फरकानेच सेट फलंदाज रोहित आणि शुभमन बाद झाले. त्यानंतर कर्णधार विराट आणि पुजारा हे संयमी खेळीचे दर्शन घडवत भारतीय डावाला सावरण्याचा प्रयत्न करत आहेत.

चेतेश्वर पुजाराने तब्बल 36 बॉल खेळल्यानंतर 33 व्या ओव्हरच्या शेवटच्या बॉलवर नील वॅगेनरला चौकार खेचत खाते खोलले. त्यानंतर 37 व्या ओव्हरला नीलच्याच एका बाऊन्सरवर पुजाराचं हॅल्मेटचा एक भाग तुटून पडला. सुदैवाने पुजाराला काही दुखापत झाली नाही.

लंच ब्रेक झाल्यानंतर पुन्हा खेळाला सुरुवात झाली. मात्र 17 बॉलनंतरही विराच आणि पुजारा यांना मिळून एकही रन घेता आला नाही. अखेर विराटनेने 18 व्या बॉलवर 1 धाव घेत भारताचा धावफलक बदलला. 31 ओव्हरनंतर भारताची धावसंख्या 70 वर दोन बाद अशी आहे.  (India vs New Zealand live score WTC Final 2021 2nd Day Match Scorecard online Southampton in marathi)

सामन्यात लंच ब्रेक झाला असून 28 ओव्हरनंतर भारताची स्थिती 69 वर दोन बाद अशी आहे. सध्या कर्णधार विराट कोहली 6 आणि चेतेश्वर पुजारा 0 धावांवर खेळत आहे. सेट फलंदाज शुभमन आणि रोहितच्या बाद होण्याने भारताची परिस्थिती काहीशी बिकट झाली आहे.

रोहित बाद झाल्यानंतर आता 24 व्या ओव्हरमध्ये सेट फलंदाज शुभमन देखील झेलबाद झाला आहे. नील वॅगनरच्या बॉलवर यष्टीरक्षक बीजे वॅटलिंगने झेल पकडत शुभमनला बाद केले आहे. शुभमन 28 धावा करुन बाद झाला आहे. भारताची स्थिती 63 वर दोन बाद झाली आहे.

भारताला 20 व्या ओव्हरच्या पहिल्या बॉलवर पहिला झटका बसला आहे. काईल जॅमिन्सनच्या बॉलवर टीम साऊदीने झेल पकडत रोहितला बाद केले आहे. 34 धावा करुन रोहित बाद झाला आहे. त्यामुळे भारताची स्थिती 62 धावांवर एक बाद अशी झाली आहे. (India vs New Zealand live score WTC Final 2021 2nd Day Match Scorecard online Southampton in marathi)

भारतीय संघाने 50 धावांचा टप्पा पार केला आहे. सलामीवीर रोहित आणि शुभमन यांनी मिळून संघाला 50 धावा करुन दिल्या आहेत. यात रोहितने 29 तर शुभमनने 23 धावा केल्या आहेत.

सामन्यात 14 ओव्हरनंतर पहिला ड्रिंक्स ब्रेक झाला आहे. भारतीय संघाची स्थिती 41 धावांवर शून्य बाद अशी असून रोहित शर्मा 21 धावांवर तर शुभमन 19 धावांवर खेळत आहे.

भारताचा युवा फलंदाज शुभमनने एक अप्रतिम स्ट्रेट ड्राईव्ह मारत चौकार मिळवला आहे. काईल जेमिन्सनच्या पहिल्याच ओव्हरमध्ये शुभमनने हा चौकार मारत भारताला 11 ओव्हरच्या अखेरीस 41 धावा करुन दिल्या आहेत.

भारताचा सलामीवीर रोहित शर्मा चांगल्या लयीत खेळताना दिसत आहे. टीम साऊदीच्या नवव्या ओव्हरमध्ये रोहितने चौथ्या बॉलवर चौकार ठोकला. त्याआधीच्या बॉलवरही रोहितने अप्रतिम शॉट मारला होता, पण न्यूझीलंडकडून अप्रतिम क्षेत्ररक्षणामुळे चौकार जाता जाता राहिला.

भारताचा हिटमॅन रोहित शर्माने सामन्यातील सातव्या ओव्हरमध्ये न्यूझीलंडच्या टीम साऊदीला 2 चौकार ठोकले. त्यामुळे सातव्या ओव्हरच्या अखेरीस भारताचा स्कोर 26 धावांवर शून्य बाद इतका आहे.

सामन्यातील पहिला चौकार युवा फलंदाज शुभमन गिलच्या बॅटमधून निघाल्यानंतर लगेचच पुढच्या ओव्हरला टीम साऊदी याला हिटमॅन रोहितने चौकार खेचत सामन्यात भारताला दुसरा चौकार मिळवून दिला.

सामन्यातील पहिला चौकार युवा फलंदाज शुभमन गिलच्या बॅटमधून निघाला आहे. त्याने सहाव्या ओव्हरच्या चौथ्या बॉलला ट्रेन्ट बोल्टला चौकार ठोकत भारताला पहिला चौकार मिळवून दिला आहे. सहा ओव्हरनंतर भारताचा स्कोर 16 धावांवर शून्य विकेट इतका आहे.

अनुभवी टीम साऊदीच्या पहिल्याच ओव्हरमध्ये भारतीय सलामीवीर रोहित शर्मा आणि शुभमन यांच्यात थोडा ताळमेळाचा अभाव दिसून आला. धाव घेण्याची संधी नसतानाही शुभमनने धाव घेण्याचा प्रयत्न केला. ज्यामुळे तो धावचीत होता होता वाचला. त्याला झेप मारुन बाद होण्यापासून वाचावे लागले.

सलामीवीर रोहित शर्मा शर्माने बोलर टीम साऊथीला पहिल्याच चेंडूवर लेग साईटला शॉट मारुन तीन धावा घेतल्या. त्यानंतरचे पाच बॉल शुभमनने खेळून काढले.

दोन दिवसांपूर्वी साऊदॅम्प्टनच्या खेळपट्टीवर घास पाहायला मिळाला परंतु आज मात्र तितकासा घास नाहीय. काल पूर्ण दिवस पाऊस पडला, आज मात्र साऊदॅम्प्टनमध्ये सूर्यनारायणाने दर्शन दिलं.

भारतीय कर्णधार विराट कोहली वर्ल्ड टेस्ट चॅम्पियनशिपच्या अंतिम सामन्यात टॉस हरला. न्यूझीलंडचा कर्णधार केन विल्यमसनने टॉस जिंकून प्रथम बोलिंग करण्याचा निर्णय घेतला. आकाशात काळे ढग जमा झालेले असल्याकारणाने त्याने हा निर्णय घेतला. न्यूझीलंड संघात एकही स्पिनर नाही. न्यूझीलंडने चार वेगवान गोलंदाजांसहित कॉलिन डि ग्रँडहॉम या मिडीयम स्पेसरला खेळवण्याचा निर्णय घेतलाय.

कर्णधार विराट कोहलीची कॅप्टन म्हणून ही 61 वी कसोटी आहे. त्याने त्याच्या कर्णधारपदाच्या कारकीर्दीत सलग 9 टेस्ट सिरीज जिंकण्याचा कारनामा केलाय. जो एकेकाळी ऑस्ट्रेलियाचा दिग्गज कर्णधार रिकी पॉटिंगने केला होता.

विराटसाठी WTC फायनल ही मोठी संधी आहे. मागील काही वर्षापासून संघाने या क्षणासाठी मोठी मेहनत केलीय. आज त्यांच्या कष्टाचं चीज झालंय. भारतीय संघ सर्वोत्तम दाखवेल. जरी पाऊस झाला असेल तरी अंतिम 11 मध्ये कोणताही बदल करण्याची गरज नाही, असं रवी शास्त्री म्हणाले.