KKR vs RCB Live Score, IPL 2021 : वरुणच्या फिरकीची जादू आणि सलामीवीरांची कमाल, केकेआरचा 9 विकेट्सनी दमदार विजय

आधी आरसीबीला 92 धावांत सर्वबाद केल्यानंतर फलंदाजीला येत केकेआरचे सलामीवीर वेकंटेश अय्यर (नाबाद 41) आणि शुभमन गिल (48) यांच्या जोरावर केकेआरने 9 विकेट्सने दमदार विजय मिळवला.

केकेआरचा सलामीवीर शुभमन गिल 48 धावांवर बाद झाला आहे. चहलच्या बोलिंगवर सिराजने त्याचा झेल घेतला आहे. बाद झाला असला तरी गिलने संघाला विजयाच्या उंबरठ्यावर नेऊन ठेवलं आहे.

केकेआरचे सलामीवीर शुभमन गिल आणि वेकंटेश अय्यर यांनी धमाकेदार फलंदाजी करत अवघ्या 7 ओव्हरमध्ये 62 धावा केल्या आहेत. त्यामुळे त्यांना विजयासाठी केवळ 31 धावांची गरज आहे.

आरसीबीला अवघ्या 92 धावांवर सर्वबाद केल्यानंतर केकेआरचा संघ 93 धावांचा पाठलाग करण्यासाठी मैदानात आला आहे. सलामीला शुभमन गिल आणि वेंकटेश अय्यर हे दोघे आले आहेत.

प्रथम फलंदाजी निवडल्यानंतर आरसीबीच्या एकाही फलंदाजाला खास कामगिरी करता न आल्याने त्यांचा सर्व संघ 92 धावांवर सर्वबाद झाला आहे.

हर्षल पटेलच्या रुपात आरसीबीचा नववा गडीही बाद झाला आहे. लॉकी फर्ग्यूसनने त्याला त्रिफळाचीत केलं असून 83 धावांवर आरसीबीचे 9 गडी बाद झाले आहेत.

फिरकीने जादू करणाऱ्या वरुणने कायल जेमिसनला रनआऊट केलं आहे. नॉन स्ट्राईकवर असणाऱ्या जेमिसन धाव घेण्यासाठी काहीसा पुढे जाताच चेंडू वरुणच्या हाताला लागून स्टंम्पला लागला ज्यामुळे जेमिसनला बाद करार देण्यात आलं.

वरुणने 14 व्या ओव्हरमध्ये सचिन बेबीला बाद तरत आरसीबीच्या सातव्या गड्याला तंबूत धा़डलं आहे. नितीशने झेल पकडला असून अवघ्या 66 धावांवर आरसीबीचे सात गडी बाद झाले आहेत.

मॅक्सवेलला बाद करताच वरुणने डेब्यू सामना खेळणाऱ्या हसरंगाला देखील पायचीत करत तंबूत धाडले आहे.

केकेआरचा मिस्ट्री स्पीनर वरुण चक्रवर्तीच्या जाळ्यात दिग्गज फलंदाज ग्लेन मॅक्सवेल अडकला आहे. त्यामुळे आरसबीचे 5 गडी तंबूत परतले आहेत.

आरसीबी संघाला 9 व्या ओव्हरमध्ये दोन झटके बसले असून आधी भरत बाद झाल्यानंतर फलंजदाजीला आलेल्या एबी डिव्हीलीयर्सला आंद्रे रस्सेलने शून्यावर पायचीत केले आहे.

आरसीबीकडून आज सलामीचा सामना खेळणारा केएस भरत 16 धावा करुन बाद झाला आहे. आंद्रे रस्सेलच्या चेंडूवर शुभमन गिलने त्याचा झेल पकडला आहे.

आरसीबीचा सलामीवीर देवदत्त पडीक्कल उत्तम लयीत खेळताना दिसून येत होता. पण अचानक लॉकी फर्ग्यूसनच्या एका चेंडूवर शॉट खेळण्यास चुकल्याने पडीक्कल बाद झाला आहे.

4 षटकानंतर 28 धावा आणि एक विकेट गमावल्यानंतर आता आरसीबीच्या फलंदाजाना बाद करण्यासाठी केकेआरचा स्टार खेळाडू सुनिल नारायण गोलंदाजीसाठी आला आहे.

दुसऱ्याच षटकात आरसीबी संघाला मोठा झटका बसला आहे. प्रसिध कृष्णाने कर्णधार विराटला पायचीत करत केकेआरला पहिलं यश मिळवून दिलं आहे. अवघ्या 5 धावा करुन कोहली बाद झाला आहे.

शक्यतो तिसऱ्या स्थानावर उतरणारा विराट कोहली आज केकेआर विरुद्दच्या सामन्यात सलामीला उतरला आहे. देवदत्त पडीक्कलसोबत तो सलामीला आला आहे.

विराट कोहली, देवदत्त पडीक्कल, केएस भारत, ग्लेन मॅक्सवेल, एबी डीव्हिलीयर्स, सचिन बेबी, वनिंजू हसरंगा, कायल जेमिसन, हर्षल पटेल, मोहम्मद सिराज, युझवेंद्र चहल.

शुभमन गिल, वेंकटेश अय्यर, नितीश राणा, राहुल त्रिपाठी, इयॉन मॉर्गन, दिनेश कार्तिक, आंद्रे रस्सेल, सुनिल एन., लॉकी फर्ग्यूसन,  वरुण चक्रवर्थी, प्रसिध कृष्णा

सामन्यात नाणेफेक जिंकत विराटने फलंदाजी निवडली आहे. एक मोठा स्कोर उभा करुन केकेआरला नमवण्यासाठी विराटची टोळी सज्ज झाली आहे.

कोरोनाच्या महामारीत सर्वांची सेवा करताना फ्रंटलाईन वर्कर्स घालत असलेल्या पीपीईकिटच्या निळ्या रंगाची जर्सी घालून त्यांना पाठिंबा दर्शवण्यासाठी कोहलीची टोळी आज निळ्या रंगाच्या जर्सीत मैदानात उतरणार आहे.

आरसीबीचा कर्णधार विराट आज आरसीबीकडूनता त्याचा 200 वा आयपीएल सामना खेळणार आहे. कालच त्याने यंदाच्या पर्वानंतर कर्णधारपद सोडणार असल्याचं जाहीर केलं असलं तरी या पर्वात तो जिंकण्यासाठी सर्व प्रयत्न करणार हे नक्की!

इंग्लंडचे माजी क्रिकेटपटू निक नाईट यांच्या मते अबू धाबीतील हवामान खूप गरम आहे. दोन्ही संघ मैदानात उतरल्यानंतर वातावरण अधिक तापेल. मॅथ्यू हेडनच्या मते, खेळपट्टीवर गवत आहे. टेनिस बॉलप्रमाणे बाउन्स मिळण्याची अपेक्षा आहे. हेडनच्या मते स्पिनर्सना मधल्या षटकांमध्येही फायदा मिळू शकतो.