T20 World Cup : मोहम्मद रिझवानची एमएस धोनीशी बरोबरी, पुढच्या सामन्यात विक्रम मोडणार!
मोहम्मद रिझवान हा पाकिस्तानचा खेळाडू आहे ज्याने भारताच्या ऐतिहासिक पराभवाची कहाणी लिहिली आहे. ICC T20 विश्वचषकाच्या सुपर-12 च्या पहिल्या सामन्यात पाकिस्तानने भारताचा पराभव केला आणि यामध्ये रिझवानच्या खेळीने महत्त्वाची भूमिका बजावली.
मोहम्मद रिझवान हा पाकिस्तानचा खेळाडू आहे ज्याने भारताच्या ऐतिहासिक पराभवाची कहाणी लिहिली आहे. ICC T20 विश्वचषकाच्या सुपर-12 च्या पहिल्या सामन्यात पाकिस्तानने भारताचा पराभव केला आणि यामध्ये रिझवानच्या खेळीने महत्त्वाची भूमिका बजावली. त्यानंतर पाकिस्तान संघ उत्कृष्ट फॉर्म राखण्यात यशस्वी ठरला आहे. शुक्रवारी खेळवण्यात आलेल्या अफगाणिस्तानविरुद्धच्या रोमहर्षक सामन्यातही पाकिस्तानने विजय मिळवला. या सामन्यात रिझवानने फलंदाजीत विशेष काही केले नाही पण यष्टीरक्षणात (विकेटकीपिंगमध्ये) त्याने कमाल केली. त्याने भारताचा माजी कर्णधार एमएस धोनीशी बरोबरी साधली.
एका वर्षात यष्टिरक्षकाने सर्वाधिक बळी घेण्याच्या बाबतीत रिझवानने धोनीची बरोबरी केली आहे. अफगाणिस्तानसोबत खेळताना त्याने यावर्षी टी-20 मध्ये आपले 39 बळी पूर्ण केले आहेत.
धोनीने 2016 मध्ये टी-20 मध्ये 39 विकेट घेतल्या होत्या. त्याच वर्षी भारताने धोनीच्या नेतृत्वाखाली टी-20 विश्वचषक खेळला. भारतीय संघ उपांत्य फेरीपर्यंत पोहोचला होता.
रिझवानकडे धोनीला मागे टाकण्याची संधी आहे. टी-20 वर्ल्ड कपमध्ये पाकिस्तानला अजून सामने खेळायचे आहेत. अशा स्थितीत जर त्याने आणखी एक झेल घेतला किंवा स्टंपिंग (यष्टीचित) केले तर तो धोनीला मागे टाकत यष्टिरक्षक म्हणून वर्षभरात सर्वाधिक शिकार करणारा खेळाडू बनेल.
भारताविरुद्ध रिझवानच्या नाबाद 79 धावांनी पाकिस्तानला ऐतिहासिक विजय मिळवून दिला. त्याला कॅप्टन बाबर आझमने साथ दिली. या दोघांची सलामीची जोडी अशी होती की, भारतीय गोलंदाजांना एकही बळी मिळवता आला नाही आणि पाकिस्तानने 10 विकेट्सने विजय मिळवला. कोणत्याही विश्वचषकात भारताविरुद्ध पाकिस्तानचा हा पहिला विजय ठरला.
