Rishabh Pant Car Accident : “डुलकी लागली आणि डिव्हायडरला कार धडकली..”, पंतने स्वत: सांगितलं कसा झाला अपघात
ऋषभ पंतने (Rishabh Pant) या अपघातानंतर पहिली प्रतिक्रिया दिली आहे.
Rishabh Pant Car Accident : टीम इंडियाचा क्रिकेटर ऋषभ पंतच्या (Rishabh Pant) गाडीला शुक्रवारी भल्या पहाटे भीषण अपघात झाला. या अपघातात पंतला जबर दुखापत झाली. हा अपघात 30 डिसेंबरला रुडकीतील गुरुकुल नारसन ईथे झाला. अपघातानंतर स्थानिकांनी रुग्णवाहिका बोलावली अन् पंतला रुग्णालयात दाखल करण्यात मोठी मदत केली. पंत दिल्लीवरुन रुडकीला चालला होता. या अपघातानंतर पंतने पहिली प्रतिक्रिया दिली आहे. हा अपघात नक्की कसा झाला, गाडीतून बाहेर कसा निघालो, याबाबत स्वत: पंतने माहिती दिली आहे. जर पंत वेळीच गाडीतून बाहेर निघाला नसता तर मोठा अनर्थ झाला असता, कारण अपघातानंतर गाडीने पेट घेतला होता. (rishabh pant 1st statment after his car accident on delhi deharadun highway)
पंत काय म्हणाला?
“कार मी स्वत: चालवत होतो. ड्रायव्हिंग करताना मला डुलकी लागली. यामुळेच गाडी डिव्हायडरला धडकली आणि मोठा अपघात झाला. तसेच अपघातानंतर विंडो स्क्रीन तोडून मी बाहेर निघालो”, अशी प्रतिक्रिया पंतने दिली.
पंतच्या डोक्याला मार
डॉक्टरांनी दिलेल्या माहितीनुसार, पंतच्या शरीराला फार दुखापत झालेली नाही. मात्र त्याच्या डोक्याला मार लागला. तर पायाला फ्रॅक्चर असण्याची शक्यता आहे. दरम्यान सध्या पंतवर उपचार सुरु आहे. या दुखापतीमुळे पंतला किमान 6 महिने क्रिकेटपासून दूर रहावं लागू शकतं.
तर दुसऱ्या बाजूला टीम इंडिया विरुद्ध श्रीलंका यांच्यातील टी 20 मालिकेला आजपासून (3 जानेवारी) सुरुवात होत आहे. एकूण 3 सामन्यांच्या मालिकेतील सलामीचा सामना हा मुंबईतील वानखेडे स्टेडियममध्ये खेळवण्यात येणार आहे. टी 20 मालितेनंतर 3 मॅचची वनडे सीरिज पार पडणार आहे.
