IND vs PAK : आयपीएलनंतर भारत-पाक या दिवशी एकमेकांना भिडणार, जाणून घ्या
आयपीएल सुरू असताना वुमन्स आशिय कपचे वेळापत्रक समोर आलं आहे. मेन्स टीम-२० वर्ल्ड कप सुरू असताना आशिया कपचं आयोजन असणार आहे. आशिया कपमध्ये भारत आणि पाकिस्तानची तारीख समोर आली आहे. हा सामना कधी आणि कुठे असणार जाणून घ्या.
आयपीएल सुरू असून आता प्रत्येक संघाचे एक- एक सामने झाले आहेत. आता दिवसेंदिवस ट्विस्ट आणि ड्रामा पाहायला मिळतोय, हळूहळू स्पर्धेला रंग चढताना दिसेल. अशातच वुमन्स आशिया कप 2024 वेळापत्रक जाहीर झालं आहे.
आशिया कपमध्ये एकून आठ संघ असणार असून चार-चार असे दोन गटात वर्गीकरण करण्यात आलं आहे. अ गटात भारत, पाकिस्तान, यूएई आणि नेपाळ हे संघ आहेत. तर ब गटामध्ये बांगलादेश, श्रीलंका, मलेशिया आणि थायलंड या संघांचा समावेश आहे.
वुमन्स आशिया कप 2024 स्पर्धेला 19 जुलैला सुरूवात होणार असून पहिला सामना पाकिस्तान आणि नेपाळ या संघांमध्ये होणार आहे. तर टीम इंडियाचाही पहिला सामना 19 जुलैलाच UAE विरूद्ध असणार आहे.
भारत आणि पाकिस्तानमधील हाय व्होल्टेज सामना 21 जुलैला होणार आहे. आशिया कपमधील या सामन्यानंतर परत एकदा दोन्हा संघं एकमेकांना भिडू शकतात.
दोन्ही संघ तगडे असल्याने आशिया कपची उपांत्य फेरी किंवा अंतिम फेरी गाठणार यात काही शंका नाही. त्यामुळे आशिया कपमध्ये भारत-पाक हाय व्होल्टेज सामना दोनवेळा पाहायला मिळण्याची शक्यता आहे.