ICC world cup song 2019 : वर्ल्ड कपसाठी आयसीसीकडून गाणं रिलीज

मुंबई : आंतरराष्ट्रीय क्रिकेट परिषद अर्थात आयसीसीने शुक्रवारी वर्ल्ड कप 2019 साठीचं अधिकृत गाणं रिलीज केलं. स्टँड बाय असं या गाण्याचं नाव आहे. येत्या 30 मे पासून क्रिकेट विश्वचषकाला सुरुवात होत आहे. त्यादरम्यान जगभरात ठिकठिकाणी हे गाणं ऐकवलं जाईल. स्टँड बाय हे गाणं लॉरेन आणि ब्रिटनचा सर्वात प्रभावी रुडिमेंटल बँडने तयार केलं आहे.

यूट्यूबवर लाखो लोकांची पसंती

आयसीसीने आपल्या अधिकृत ट्विटर हँडलवरुन हे गाणं शेअर केलं आहे. शुक्रवारी जारी करण्यात आलेलं हे गाणं ट्विटवर अनेकांनी रिट्विट केलं आहे. मात्र यूट्यूबवर दीड लाखांपेक्षा अधिक लोकांनी हे गाणं पाहिलं आहे.

एकदिवसीय विश्वचषकाला (ICC Cricket World Cup 2019)  30 मेपासून इंग्लंडमध्ये सुरुवात होत आहे. भारताचा पहिला सामना 5 जून रोजी दक्षिण आफ्रिकेविरुद्ध होणार आहे. तर 16 जून रोजी भारत विरुद्ध पाकिस्तान हा महामुकाबला रंगणार आहे.

दरम्यान, यंदापासून वर्ल्डकपमध्ये एक टीम सर्व संघांसोबत सामने खेळणार आहे. या फेरीनंतर पहिले चार संघ सेमीफायनलमध्ये प्रवेश करतील. अंतिम सामना 14 जुलैला खेळवण्यात येईल.

1983 आणि 2011 चा विश्वचषक जिंकलेल्या टीम इंडियात कोणत्या 15 खेळाडूंना स्थान मिळणार याबाबत उत्सुकता आहे. भारतीय संघातील बहुतेक खेळाडूंची नावं निश्चित झाली आहेत, मात्र चौथ्या क्रमांकावर कोण याबाबत संघव्यवस्थापनाला डोकेदुखी आहे.

विश्वचषकासाठी भारतीय संघ

विराट कोहली (कर्णधार), रोहित शर्मा (उपकर्णधार), शिखर धवन, केएल राहुल, विजय शंकर, महेंद्रसिंह धोनी, केदार जाधव, दिनेश कार्तिक, यजुवेंद्र चहल,  कुलदीप यादव, जसप्रीत बुमराह, भुवनेश्वर कुमार, हार्दिक पंड्या,  रवींद्र जाडेजा आणि मोहम्मद शमी

संबंधित बातम्या 

कोणाची कॉमेंट्री आवडेल? वर्ल्डकपसाठी समालोचकांची यादी जाहीर  

ICC World Cup 2019 LIVE : वर्ल्ड कपसाठी भारतीय संघ जाहीर, रायुडू, पंत बाहेर