India vs England 3rd Test 2nd Day Highlights | जगातील मोठ्या स्टेडियममध्ये टीम इंडियाचा मोठा विजय, इंग्लंडवर 10 विकेट्सने मात, मालिकेत 2-1 ने आघाडी

लोकल बॉय अक्षर पटेल सामनावीर ठरला आहे. अक्षर पटेलने या तिसऱ्या कसोटीत दोन्ही डावात मिळून एकूण 11 विकेट्स घेतल्या. अक्षरने इंग्लंड विरुद्धच्या दुसऱ्या कसोटीतून पदार्पण केलं होतं. या सामन्यातील दुसऱ्या डावात ते या  तिसऱ्या कसोटीतील पहिल्या आणि दुसऱ्या डावात त्याने प्रत्येकी 5 विकेट्स घेण्याची कामगिरी केली.

टीम इंडियाने इंग्लंडचा तिसऱ्या कसोटीत 10 विकेट्ने पराभव केला. यामुळे इंग्लंडचे वर्ल्ड टेस्ट चॅम्पियनशीपच्या अंतिम सामन्यात खेळण्याचं स्वप्न भगंल आहे. दरम्यान न्यूझीलंडने वर्ल्ड टेस्ट चॅम्पियनशीपच्या अंतिम फेरीत आधीच धडक मारली आहे.

रोहित शर्माने षटकार खेचत टीम इंडियाला विजय मिळवून दिला. या विजयासह भारताने 4 सामन्यांच्या मालिकेत 2-1 ने आघाडी घेतली.

सलामीवीर शुबमन गिलने चौथ्या ओव्हरच्या शेवटच्या चेंडूवर जोरदार सिक्स खेचला आहे. यामुळे टीम इंडिया विजयाच्या आणखी जवळ पोहचली आहे.

तिसऱ्या सत्रातील खेळाला सुरुवात झाली आहे. शुबमन गिलने चौकारासह तिसऱ्या सत्राचा प्रारंभ केला आहे. यामुळे टीम इंडिया विजयाच्या आणखी जवळ पोहचली आहे.

भारताने दुसऱ्या सत्रापर्यंत बिनबाद 11 धावा केल्या  आहेत. यामुळे टीम इंडियाला विजयासाठी आणखी 38 धावांची आवश्यकता आहे.

टीम इंडियाच्या बॅटिंगला सुरुवात झाली आहे. भारताला विजयासाठी अवघ्या 49 धावांचे आव्हान मिळाले आहे. मैदानात रोहित शर्मा आणि शुबमन गिल ही सलामी जोडी खेळत आहे.

टीम इंडियाने इंग्लंडला दुसऱ्या डावात अवघ्या 81 धावांवर गुंडाळले आहे. भारताकडे 33 धावांची आघाडी होती.  यामुळे टीम इंडियाला विजयासाठी अवघ्या 49 धावांचे आव्हान मिळाले आहे.

इंग्लंडने सातवी विकेट गमावली आहे. अश्विनने जोफ्रा आर्चरला आऊट केलं. यासह अश्विनने कसोटी क्रिकेटमध्ये 400 विकेट्सचा टप्पा ओलांडला आहे.

अश्विनने इंग्लंडला सहावा झटका दिला आहे. अश्विनने ओली पोपला 12 धावांवर आऊट केलं.

लोकल बॉय अक्षर पटेलने इंग्लंडला पाचवा धक्का दिला आहे. अक्षरने जो रुटला आऊट केलं आहे. यासह रुटने या सामन्यात दोन्ही डावात मिळून  10 विकेट्स घेतल्या आहेत.

आर अश्विनने इंग्लंडला चौथा झटका दिला आहे. अश्विनने बेन स्टोक्सला एलबीडबल्यू आऊट केलं आहे. स्टोक्सने 34 चेंडूत 3 चौकारांसह 25 धावा केल्या. अश्विनने कसोटीमध्ये बेन स्टोक्सला आऊट करण्याची 11 वेळ ठरली.

अक्षर पटेलने इंग्लंडला तिसरा धक्का दिला आहे. अक्षरने  डोमिनिक सिबलेला 7 धावांवर विकेटकीपर रिषभ पंतच्या हाती कॅच आऊट केलं.

अक्षर पटेलने इंग्लंडला दुसऱ्या डावातील बॅटिंगदरम्यान पहिल्याच ओव्हरमध्ये दुसरा धक्का दिला आहे. अक्षरने आधी जॅक क्रॉलीला आऊट केलं. यानंतर आता जॉनी बेयरस्टोला बोल्ड केलं.

लोकल बॉय अक्षर पटेलने इंग्लंडला पहिल्या चेंडूवर धक्का दिला आहे. त्याने जॅक क्रॉलीला बाद केलं आहे.

टीम इंडियाने पहिल्या डावात 145 धावा केल्या आहेत. यासह भारताने  33  धावांची आघाडी मिळवली आहे.  भारताने अखेरच्या 7  विकेट्स अवघ्या 46 धावांच्या मोबदल्यात गमावल्या. टीम इंडियाने 99-3 या धावसंख्येवरुन दुसऱ्या दिवसाच्या खेळाला सुरुवात केली. मात्र यानंतर इंग्लंडच्या फिरकी गोलंदाजांनी टीम इंडियाच्या फलंदाजांना माघारी पाठवलं. कर्णधार जो रुटने इंग्लंडकडून सर्वाधिक 5 विकेट्स घेतल्या. तर जॅक लीचने 4  फलंदाजांना माघारी पाठवत  रुटला चांगली साथ दिली.

इशांत शर्माने जॅक लीचच्या बोलिंगवर शानदार सिक्स खेचला.

भारताने नववी विकेट गमावली आहे. अश्विन 17 धावांवर बाद झाला आहे.

भारताने आठवी विकेट गमावली आहे. सुंदरनंतर लोकल बॉय अक्षर पटेलही शून्यावर माघारी परतला आहे. यामुळे भारताची 125-8 अशी स्थिती झाली आहे.

इंग्लंडच्या फिरकी आक्रमणासमोर भारतीय गोलंदाजांनी शरणागती पत्कारली आहे. भारताने वॉशिंग्टन सुंदरच्या रुपात सातवी विकेट गमावली आहे. कर्णधार जो रुटने वॉशिंग्टन सुंदरला शून्यावर आऊट केलं आहे. यामुळे भारताची  125-7 अशी नाजूक स्थिती झाली आहे.

भारताने सहावी विकेट गमावली आहे. रिषभ पंत जो रुटच्या गोलंदाजीवर कॅच आऊट झाला आहे. पंत 1 धावा करुन माघाऱी परतला आहे. यामुळे भारताची  117-6 अशी धावसंख्या झाली आहे.

टीम इंडियाने रोहित शर्माच्या रुपात पाचवी विकेट गमावली आहे. रोहितला जॅक लीच एलबीडब्लयू आऊट केलं आहे. रोहितने 96 चेंडूंमध्ये 11 फोरसह 66 धावा केल्या.

टीम इंडियाला चौथा धक्का बसला आहे. उप कर्णधार अजिंक्य रहाणे 7 धावांवर एलबीडबल्यू आऊट झाला आहे. अजिंक्यला इंग्लंडच्या जॅक लीचने बाद केलं आहे. यामुळे भारताची 114-4 अशी धावसंख्या झाली आहे.

टीम इंडियाने पहिल्या डावात आघाडी घेतली आहे. इंग्लंडने पहिल्या डावात 112 धावा केल्या. 113 धाव घेताच भारताने आघाडी मिळवली आहे.

अजिंक्य रहाणेने जॅक लीचच्या गोलंदाजीवर पॅडल स्वीप मारत चेंडू सीमारेषाच्या बाहेर पाठवला.

रोहित शर्माने दुसऱ्या दिवसातील पहिला चौकार लगावला आहे. इंग्लंडच्या जेम्स अँडरसनच्या गोलंदाजीवर रोहितने शानदार चौकार लगावला. यासह रोहितने 60 धावांचा टप्पा ओलांडला आहे.

रोहित शर्माने पहिल्या दिवसखेर 57 धावा केल्या. त्यामुळे रोहित या अर्धशतकाचे नक्कीच शतकात रुपांतर करणार. असं आम्ही नाही तर त्याची आकडेवारी म्हणत आहे. रोहितनचा कनव्हर्जन रेट हा 80 टक्के इतका आहे. रोहितने मागील 5 डावांमध्ये अर्धशतकी खेळी केली आहे. त्या अर्धशतकांचं 4 वेळा शतकात रुपांतर केलं आहे. त्यामुळे रोहितकडून भारतीय चाहत्यांना शतक अपेक्षित असणार आहे.

रोहित शर्मा आणि अजिंक्य रहाणे या जोडीने दुसऱ्या दिवसाच्या खेळाला सुरुवात केली आहे. इंग्लंडकडून जेम्स अँडरसनने दिवसातील पहिली ओव्हर टाकत आहे.

टीम इंडिया पहिल्या डावात 100 ते 125 धावांची आघाडी घेईल, असा अंदाज लिटील मास्टर सुनील गावसकर यांनी व्यक्त केला आहे. पिच रिपोर्ट दरम्यान त्यांनी हा अंदाज व्यक्त केला आहे.

दुसऱ्या दिवसाच्या खेळासाठी टीम इंडिया सज्ज आहे. बीसीसीआयने टीम इंडियाचा एक व्हिडीओ ट्विट केला आहे. या व्हिडीओमध्ये टीम इंडिया या कसोटीच्या दृष्टीने आखताना दिसत आहे.

अवघ्या काही मिनिटांमध्ये दुसऱ्या दिवसाच्या खेळाला सुरुवात होणार आहे. भारताने पहिल्या दिवसखेर  3 विकेट्स गमावून 99 धावा केल्या आहेत. रोहित शर्मा आणि अजिंक्य रहाणे ही जोडी दुसऱ्या दिवसाच्या खेळाला सुरुवात करणार आहे. भारताला आघाडी घेण्यासाठी आता फक्त 13 धावांची आवश्यकता आहे.