Photo : नॅशनल क्रश रश्मिका मंदानाने तोडलं RCB च्या चाहत्यांचं हृदय, आधी म्हणाली विराट माझा फेव्हरेट, आता म्हणते…
रश्मिका मंदाना ही नॅशनल क्रश म्हणून ओळखली जाते. रश्मिका तेलुगु आणि कन्नड इंडस्ट्रीमधील सर्वात महागड्या अभिनेत्रींमध्ये एक आहे. (MS Dhoni is my Favourite Cricketer Says Rashmika Mandanna)
यंदाच्या आयपीएलमध्ये (IPL 2021) बंगळुरुचा (RCB) संघ जिंकायला पाहिजे, असं लाजत लाजत सांगणाऱ्या आणि इशाऱ्या इशाऱ्यामध्ये विराट कोहली (Virat Kohli) माझा आवडता खेळाडू आहे, अशी ‘मन की बात’ सांगितलेल्या नॅशनल क्रश रश्मिका मंदानाने (Rashmika Mandanna) आता पलटी मारली आहे.
आयपीएलदरम्यान एका इन्स्टाग्राम लाईव्ह सेशनदरम्यान रश्मिका मंदनाच्या एका चाहत्याने, ‘तुझा आवडता आयपीएल संघ कोणता?’, असा प्रश्न विचारला. त्यावर अभिनेत्रीने क्षणाचाही विलंब न लावता, ‘ई साला कप नमदे’, असं उत्तर दिलं. म्हणजेच विराटचा संघ जिंकायला हवा, असं ती म्हणाली होती. पण आता एम एस धोनी हा माझा हिरो आहे, असं सांगत रश्मिकाने आरसीबीच्या चाहत्यांना 440 व्होल्ट्सचा करंट दिलाय.
नुकत्याच एका इन्स्टाग्राम लाईव्ह सेशनदरम्यान रश्मिका म्हणाली, “धोनीची बॅटिंग, कॅप्टन्सी आणि विकेट कीपिंग खूपच शानदार आहे. तो मास्टर क्लास खेळाडू आहे आणि त्याचमुळे तो माझा हिरो आहे, आयडॉल आहे.”
रश्मिका मंदाना ही नॅशनल क्रश म्हणून ओळखली जाते. रश्मिका तेलुगु आणि कन्नड इंडस्ट्रीमधील सर्वात महागड्या अभिनेत्रींमध्ये एक आहे. रश्मिका मंदानाने नुकतीच हिंदी चित्रपटसृष्टीतही प्रवेश केला आहे. अलीकडेच ती रॅपर बादशाह, युवा शंकर आणि उचना अमित यांच्या ‘टॉप टकर’ म्युझिक व्हिडीओमध्ये दिसली.