PBKS vs DC IPL 2021 Match 29 | धवनची अर्धशतकी ‘गब्बर’ खेळी, पंजाबवर 7 विकेट्सने शानदार विजय, पॉइंट्स टेबलमध्ये गाठलं ‘शिखर’

दिल्ली कॅपिट्ल्सने पंजाब किंग्सवर 7 विकेट्सने शानदार विजय मिळवला आहे. पंजाबने विजयासाठी दिलेले 167 धावांचे आव्हान दिल्लीने 17.4 ओव्हर्समध्ये 3 विकेट्स गमावून पूर्ण केलं. यासह दिल्लीने विजयी षटकार लगावला आहे. तसेच दिल्लीने पॉइंट्स टेबलमध्ये 12 गुणांसह पहिल्या क्रमांकावर झेप घेतली आहे.

दिल्लीला विजयासाठी 4 ओव्हरमध्ये 23 धावांची आवश्यकता आहे. शिखर धवन 64* आणि रिषभ पंत 14* धावांवर नाबाद खेळत आहेत.

रिषभ पंतने 15 व्या ओव्हरच्या पाचव्या चेंडूवर मोहम्मद शमीच्या गोलंदाजीवर फॅल्ट सिक्स लगावला.

शिखर धवनने शानदार अर्धशतक पूर्ण केलं आहे. शिखरने अवघ्या 35 चेंडूत 4 चौकार आणि 2 सिक्ससह अर्धशतक झळकावलं.  शिखरचं या मोसमातील हे तिसरं अर्धशतक ठरलं.

दिल्लीने दुसरी विकेट गमावली आहे.  स्टीव्ह स्मिथ कॅच आऊट झाला आहे. स्टीव्हने 22 चेंडूत 24 धावा केल्या.

दिल्लीला विजयासाठी 48 चेंडूत  61 धावांची आवश्यकता आहे. दिल्लीने 12 ओव्हरमध्ये 1 विकेट गमावून 106 धावा केल्या आहेत.

‘गब्बर’ शिखर धवनने 12 व्या ओव्हरच्या दुसऱ्या चेंडूवर रवी बिश्नोईच्या गोलंदाजीवर गुडघ्यावर बसून 80 मीटर लांबीचा सिक्स लगावला आहे.

दिल्लीने 8 ओव्हरनंतर 1 विकेट गमावून 74 धावा केल्या आहेत. स्टीव्ह स्मिथ 9 आणि शिखर धवन 24 धावांवर नाबाद आहे.

शानदार सुरुवातीनंतर दिल्लीला पहिला झटका बसला आहे. फिरकीपटू हरप्रीत ब्रारने 7 व्या ओव्हरच्या पहिल्या चेंडूवर पृथ्वी शॉचा त्रिफळा उडवला. पृथ्वीने 39 धावांची खेळी केली.

दिल्लीने पावर प्लेच्या पहिल्या 6 ओव्हरमध्ये बिनबाद 63 धावा केल्या आहेत. पृथ्वी शॉ 39* आणि शिखर धवन 22* धावांवर नाबाद खेळत आहे.  दिल्लीला विजयासाठी 84 चेंडूत आणखी 104 धावांची आवश्यकता आहे.

दिल्लीची शानदार सुरुवात झाली आहे.  पृथ्वी शॉ-शिखर धवन सलामी जोडीने अर्धशतकी भागीदारी केली आहे.

दिल्लीची शानदार सुरुवात झाली आहे. शिखर धवन आणि पृथ्वी शॉ या सलामी जोडीने पहिल्या 5 ओव्हरमध्ये 46 धावा केल्या आहेत. पृथ्वी 26* आणि शिखर18* धावांवर नाबाद आहेत.

पृथ्वी शॉने दुसऱ्या ओव्हरमध्ये मोहम्मद शमीच्या गोलंदाजीवर फटकेबाजी केली आहे. पृथ्वीने सलग 2 चौकार लगावले. त्यानंतर पृथ्वीने सिक्स लगावला.

DC चा 2 ओव्हरनंतर स्कोअर

DC 24-0

पंजाब किंग्सने (Punjab Kings) दिल्ली कॅपिट्ल्सला (Delhi Capitals) विजयासाठी 167 धावांचे आव्हान दिले आहे. पंजाबने 20 ओव्हर्समध्ये 6 विकेट्स गमावून 166 धावा केल्या आहे. पंजाबकडून कर्णधार मयंक अग्रवालने सर्वाधिक नाबाद 99 धावा केल्या. तसेच डेव्हिड मलानने 26 धावांची खेळी केली. दिल्लीकडून कगिसो रबाडाने सर्वाधिक 3 विकेट्स घेतल्या.

पंजाबला सहावा झटका बसला आहे. ख्रिस जॉर्डन 2 धावा करुन तंबूत परतला.

पंजाबला पाचवा धक्का बसला आहे. शाहरुख खान आऊट झाला आहे. शाहरुखने 4 धावा केल्या.

पंजाब किंग्सने 17 ओव्हरनंतर 4 विकेट्स गमावून 128 धावा केल्या आहेत. कर्णधार मयंक अग्रवाल 71 आणि शाहरुख खान 4 धावांवर नाबाद खेळत आहेत.

पंजाब किंग्सचा कर्णधार मयंक अग्रवालने संयमी अर्धशतक झळकावलं आहे. विशेष म्हणजे मयंकने चौकार ठोकत हे अर्धशतक पूर्ण केलं.

पंजाबने चौथी विकेट गमावली आहे. दीपक हुड्डा चोरटी धाव घेण्याच्या नादात रन आऊट झाला. हुड्डा 1 धावा करुन माघारी परतला.

पंजाबने तिसरी विकेट गमावली आहे. फिरकीपटू अक्षर पटेलने डेव्हिड मलानला बोल्ड केलं. मलानने 26 धावा केल्या.

पंजाबने 10 ओव्हरनंतर 2 विकेट्स गमावून  63 धावा केल्या आहेत. डेव्हिड मलान 10* आणि मयंक अग्रवाल 27* धावांवर नाबाद खेळत आहेत.

पुणे : शहरात उद्याही लसीअभावी 45 वर्षावरील व्यक्तीचं लसीकरण राहणार बंद
आजही शहराला राज्य सरकारकडून लसीचा पुरवठा नाहीच
दोन दिवसापासून लसीकरण होतं बंद
उद्याही लसीकरण बंद राहणार
महापालिकेच्या आरोग्य विभागाची माहिती

पंजाबने पावर प्लेच्या 6 ओव्हरमध्ये 2 विकेट्स गमावून  39 धावा केल्या आहेत. डेव्हिड मलान आणि कर्णधार मयंक अग्रवाल मैदानात खेळत आहेत. पंजाबने पावर प्लेमध्ये प्रभासिमरन सिंह आणि ख्रिस गेल या महत्वाच्या फलंदाजांची विकेट गमावली.

पंजाबला मोठा झटका लागला आहे. आक्रमक फलंदाज ख्रिस गेल आऊट झाला आहे. कगिसो रबाडाने गेलचा त्रिफळा उडवला. गेलने 13 धावा केल्या.

पंजाबला पहिला झटका लागला आहे. प्रभासिमरन सिंह आऊट झाला आहे. प्रभासिमरन 12 धावा केल्या.

पंजाब विरुद्ध दिल्ली यांच्यातील सामन्याला सुरुवात झाली आहे. दिल्लीने टॉस जिंकून पंजाबला बॅटिंगसाठी भाग पाडले आहे. दिल्लीकडून सामन्यातील पहिली ओव्हर इशांत शर्माने टाकली. इशांतने ही मेडन ओव्हर टाकत दिल्लीला चांगली सुरुवात मिळवून दिली.

रिषभ पंत (कर्णधार/विकेटकीपर), शिखर धवन, पृथ्वी शॉ, स्टीव्ह स्मिथ, शिमरॉन हेटमायर, मार्कस स्टॉयनिस, ललित यादव, अक्षर पटेल, इशांत शर्मा, कगिसो रबाडा आणि आवेश खान

मयंक अग्रवाल (कर्णधार), प्रभसिमरन सिंह (विकेटकीपर), ख्रिस गेल, डेव्हीड मलान, दीपक हुड्डा, शाहरूख खान, ख्रिस जॉर्डन, हरप्रीत ब्रार, मोहम्मद शमी, रवी बिश्‍नोई आणि रायली मेरेडिथ.

दिल्ली कॅपिट्लस्ने टॉस जिंकला आहे. कर्णधार रिषभ पंतने नाणेफेक जिंकून पंजाबला बॅटिंगसाठी आमंत्रित केले आहे.

आयपीएलच्या 14 व्या मोसमातील 29 वा सामना पंजाब किंग्स विरुद्ध दिल्ली कॅपिटल्स यांच्यात खेळवण्यात येणार आहे. या सामन्याला अहमदाबादमधील नरेंद्र मोदी स्टेडियममध्ये 7 वाजून 30 मिनिटांनी सुरुवात होणार आहे.