RR vs SRH IPL 2021 Match 28 | राजस्थानचा सनरायजर्स हैदराबादवर 55 धावांनी ‘रॉयल’ विजय

राजस्थानने हैदराबादवर 55 धावांनी मात केली आहे. राजस्थानने हैदराबादला विजयासाठी 221 धावांचे आव्हान दिले होते. पण हैदराबादला 20 ओव्हरमध्ये 8 विकेट्स गमावून 165 धावाच करता आल्या. हैदराबादकडून मनिष पांडेने 31 तर जॉनी बेयरस्टोने 30 धावांची खेळी केली. राजस्थानकडून मुस्तफिजुर रहमान आणि ख्रिस मॉरीसने प्रत्येकी 3 विकेट्स घेतल्या.

हैदराबादने आठवी विकेट गमावली आहे. राशिद खान भोपळा न फोडता तंबूत परतला आहे.

हैदराबादने केदार जाधवच्या रुपात सातवी विकेट गमावली आहे. जाधवने 19 धावांची खेळी केली.

हैदराबादला सहावा झटका बसला आहे. अब्दुल समद 10 धावांवर आऊट झाला आहे.

हैदराबादला पाचवा झटका लागला आहे.  मोहम्मद नबी 17 धावा करुन आऊट झाला आहे.

मोहम्म्द नबीने 14 व्या ओव्हरमध्ये  राहुल तेवतियाच्या गोलंदाजीवर 2 खणखणीत सिक्स लगावले आहेत.

हैदराबादला मोठा झटका लागला आहे.  कर्णधार केन विलियमनस 21 धावा करुन आऊट झाला आहे.

हैदराबादने 12 ओव्हरनंतर 3 विकेट्स गमावून 100 धावा पूर्ण केल्या आहेत. मैदानात  कर्णधार केन विलियमसन आणि केदार जाधव खेळत आहेत. हैदराबादला विजयासाठी 8 ओव्हरमध्ये आणखी 121 धावांची गरज आहे.

हैदराबादने पहिली विकेट गमावली आहे. मनिष पांडे आऊट झाला आहे. मुस्तफिजुर रहमानने मनिषला 31 धावांवर बोल्ड केलं.

हैदराबादने पावर प्लेच्या पहिल्या 6 ओव्हरमध्ये बिनबाद 57 धावा केल्या आहेत. हैदराबादला विजयासाठी 84 चेंडूत आणखी 164 धावांची आवश्यकता आहे.

सनरायजर्स हैदराबादच्या जॉनी बेयरस्टो आणि मनिष पांडे सलामी जोडीने अर्धशतकी भागीदारी केली आहे.

विजयी धावांचे पाठलाग करताना हैदराबादची शानदार सुरुवात झाली आहे. जॉनी बेयरस्टो-मनिष पांडे सलामी जोडीने 5 ओव्हरमध्ये बिनबाद 46 धावा केल्या आहेत.

हैदराबादच्या बॅटिंगला सुरुवात झाली आहे. मनिष पांडे आणि जॉनी बेयरस्टो सलामी जोडी मैदानात खेळत आहे. हैदराबादला  विजयासाठी 221 धावांची आवश्यकता आहे.

राजस्थानने हैदराबादला विजयासाठी 221 धावांचे आव्हान दिले आहे. राजस्थानने 20 ओव्हरमध्ये 3 विकेट्स गमावून 220 धावा केल्या. राजस्थानकडून सर्वाधिक 124 धावा सलामीवीर जॉस बटलरने केल्या. तर संजू सॅमसनने 48 धावांची खेळी केली. तर हैदराबादकडून राशिद खान, संदीप शर्मा आणि विजय शंकरने प्रत्येकी 1 विकेट घेतली.

राजस्थानने तिसरी विकेट गमावली आहे. शतकवीर जॉस बटलर आऊट झाला आहे. बटलरने 64 चेंडूत 11 चौकार आणि 8 सिक्ससह 124 धावांची झंझावाती खेळी केली.

जोस बटलरने 19 व्या ओव्हरच्या 5 व्या चेंडूवर संदीप शर्माच्या बोलिंगवर सिक्स लगावला. यासह राजस्थानने 200 धावांचा टप्पा ओलांडला.

राजस्थानचा सलामीवीर जॉस बटलरने 56 चेंडूत अफलातून शतक लगावलं आहे. जोसच्या आयपीएल कारकिर्दीतील हे पहिलंवहिलं शतक ठरलं. जोस या मोसमात संजू सॅमसन, देवदत्त पडीक्कलनंतर शतक लगावणारा तिसरा शतकवीर ठरला.

राजस्थानला दुसरा झटका बसला आहे. कर्णधार संजू सॅमसन कॅच आऊट झाला आहे. संजूने 48 धावांची खेळी केली.

राजस्थान रॉयल्सने 15 व्या ओव्हरमध्ये 21 धावा चोपल्या आहेत. यामध्ये जॉस बटलरने 2 सिक्स आणि 2 फोर लगावले. तर संजू सॅमसनने 1 धाव काढली.

राजस्थानने 1 विकेट गमावून 10 ओव्हरमध्ये 77 धावा केल्या आहेत. जोस बटलर 32 आणि संजू  सॅमसन 25 धावांवर नाबाद खेळत आहेत.

मनिष पांडेने संजू सॅमसनला 23 धावांवर जीवनदान दिले आहे. संदीप शर्मा सामन्यातील 10 वी ओव्हर टाकत होता. या ओव्हरच्या दुसऱ्या चेंडूवर संजूने शॉट मारला. संजूने मारलेला चेंडू मनिषच्या दिशेने गेला. मात्र मनिषने सोप्पा कॅच सोडला.

जोस बटलर-संजू सॅमसन जोडीने दुसऱ्या विकेटसाठी अर्धशतकी भागीदारी केली आहे. अवघ्या 31 चेंडूंच्या मदतीने या दोघांनी ही भागीदारी केली आहे.

राजस्थान रॉयल्सने पावर प्लेच्या 6 ओव्हरमध्ये 1 विकेट्स गमावून 42 धावा केल्या आहेत. संजू सॅमसन 8* आणि जोस बटलर 17 धावांवर नाबाद खेळत आहेत.

संजू सॅमसनने षटकार ठोकत सुरुवात केली. संजूने खलील अहमदच्या गोलंदाजीवर चौथ्या ओव्हरच्या दुसऱ्या चेंडूवर सिक्स लगावला.

राजस्थानने पहिली विकेट गमावली आहे. युवा यशस्वी जयस्वाल एलबीडब्ल्यू आऊट झाला. राशिद खानने जयस्वालला आऊट केलं. यशस्वीने 12 धावा केल्या.

राजस्थान रॉयल्सच्या बॅटिंगला सुरुवात झाली आहे. जोस बटलर-यशस्वी जयसवाल सलामी जोडी मैदानात खेळत आहे.

राजस्थान रॉयल्सकडून युवा अनुज रावतने पदार्पण केलं आहे. त्याला सामन्याआधी राजस्थानची कॅप देऊन त्याचं स्वागत करण्यात आलं. या सर्व प्रकाराचा एक व्हिडीओ ट्विट करण्यात आला आहे.

संजू सैमसन (कर्णधार आणि विकेटकीपर), जॉस बटलर, यशस्वी जयस्वाल, डेव्हिड मिलर, रियान पराग, राहुल तेवतिया, अनुज रावत, ख्रिस मॉरिस, मुस्तफिजुर रहमान, चेतन साकरिया आणि कार्तिक त्यागी.

केन विलियमसन (कर्णधार), जॉनी बेयरेस्टो (विकेटकीपर), विजय शंकर, केदार जाधव, मनीष पांडे, अब्दुल समद, राशिद खान, मोहम्मद नबी, संदीप शर्मा, खलील अहमद आणि भुवनेश्वर कुमार.

सनरायजर्स हैदराबादने टॉस जिंकला आहे. नाणेफेक जिंकून कर्णधार केन विलियमसनने फिल्डिंगचा निर्णय घेतला आहे. त्यामुळे राजस्थान पहिले बॅटिंग करणार आहे.

आयपीएलच्या 14 व्या मोसमात आज (2 मे) दुहेरी थरार रंगणार आहे. या डबल हेडरमधील पहिला सामना राजस्थान रॉयल्स विरुद्ध सनरायजर्स हैदराबाद यांच्यात खेळवण्यात येणार आहे.