SRH vs DC, IPL 2021 Match 20 Result | सुपर ओव्हरमध्ये दिल्ली कॅपिटल्सची सनरायजर्स हैदराबादवर मात

दिल्लीचा सलामीवीर पृथ्वी शॉ ला मॅन ऑफ द मॅच पुरस्काराने गौरवण्यात आले आहे. पृथ्वीने 39 चेंडूत 7 चौकार आणि 1 षटकारासह 53 धावांची खेळी केली.

सुपर ओव्हरमध्ये दिल्ली कॅपिटल्सने सनरायजर्स हैदराबादवर मात केली आहे. दिल्लीला सुपर ओव्हरमध्ये विजयासाठी 8 धावांची आवश्यकता होती. या विजयी आव्हानाचे पाठलाग करण्यासाठी दिल्लीकडून शिखर धवन आणि कर्णधार रिषभ पंत खेळायला आले होते. दिल्लीला विजयासाठी शेवटच्या चेंडूवर 1 धावेची आवश्यकता होती. दिल्लीने यशस्वीरित्या ही एक धाव काढली. यासह दिल्लीने हैदराबादवर सुपर ओव्हरमध्ये मात केली.

रिषभ पंतने सुपर ओव्हरमधील तिसऱ्या चेंडूवर चौकार लगावला आहे.

हैदराबादकडून फिरकीपटू राशिद खान बोलिंग करणार आहे.

दिल्लीच्या बॅटिंगला सुरुवात झाली आहे. दिल्लीला सुपर ओव्हरमध्ये विजयासाठी 8 धावांची आवश्यकता आहे. दिल्लीकडून शिखर धवन आणि कर्णधार रिषभ पंत मैदानात आले आहेत.

हैदराबादकडून दिल्लीला विजयासाठी सुपर ओव्हरमध्ये 8 धावांचे आव्हान मिळाले आहे. हैदराबादने 6 चेंडूत 7 धावा केल्या.

केन विलियमसनने सुपर ओव्हरमधील तिसऱ्या चेंडूवर  चौकार लगावला आहे.

दिल्लीकडून अक्षर पटेल सुपर ओव्हर टाकत आहे.

हैदराबाद विरुद्ध दिल्ली सामना टाय झाला आहे. त्यामुळे सुपर ओव्हरमध्ये हैदराबाद प्रथम फलंदाजी करणार आहे. फलंदाजीसाठी हैदराबादकडून कर्णधार डेव्हिड वॉर्नर आणि केन विलियमसन मैदानात आले आहे.

हैदराबादला विजयासाठी 1 चेंडूत 2 धावांची आवश्यकता आहे.

हैदराबादला विजयासाठी 6 चेंडूत 16 धावांची गरज आहे. केन विलियमसन आणि जगदीश सूचित मैदानात खेळत आहेत.

हैदराबादला सातवा झटका बसला आहे. विजय शंकर 8 धावा करुन आऊट झाला आहे.

हैदराबादला विजयासाठी 12 चेंडूत 28 धावांची आवश्यकता आहे. केन विलियमन आणि विजय शंकर मैदानात खेळत आहेत.

अक्षर पटेलने हैदराबादला सलग 2 धक्के दिले आहेत. अक्षरने सामन्यातील 17 व्या ओव्हरच्या पहिल्या चेंडूवर अभिषेक शर्मा आणि दुसऱ्या चेंडूवर राशिद खानला आऊट केलं.

हैदराबादला विजयासाठी  5 ओव्हरमध्ये  50 धावांची आवश्यकता आहे. मैदानात केन विलियमसन आणि अभिषेख शर्मा मैदानात खेळत आहेत.

हैदराबादने चौथी विकेट गमावली आहे. विकेटकीपर रिषभ पंतने अमित मिश्राच्या गोलंदाजीवर केदार जाधवला स्टंपिंग आऊट केलं आहे. केदारने 9 धावा केल्या.

हैदराबादने तिसरी विकेट गमावली आहे. विराट सिंह आऊट झाला आहे. विराटने 4 धावा केल्या.

पावर प्लेच्या पहिल्या 6 ओव्हरनंतर हैदराबादने 2 विकेट्स गमावून 56 धावा केल्या आहेत. हैदराबादला विजयासाठी आणखी 84 चेंडूत 104 धावांची आवश्यकता आहे.

हैदराबादला दुसरा झटका लागला आहे. फटकेबाजी करत असलेला जॉनी बेयरस्टो आऊट झाला आहे. बेयरस्टोने 18 चेंडूत 3 चौकार आणि 4 षटकारांसह 38 धावांची खेळी केली.

हैदराबादला पहिला धक्का बसला आहे.  कर्णधार डेव्हिड वॉर्नर रन आऊट झाला आहे. वॉर्नरने 6 धावा केल्या.

हैदराबादने तिसऱ्या ओव्हरमध्ये मार्कस स्टोयनिसच्या गोलंदाजीवर 12 धावा केल्या आहेत. यामध्ये जॉनी बेयरस्टोने एक सिक्स आणि एक फोर लगावला.

हैदराबादच्या बॅटिंगला सुरुवात झाली आहे. कर्णधार डेव्हिड वॉर्नर आणि जॉनी बेयरस्टो ही सलामी जोडी मैदानात खेळत आहे. हैदराबादला विजयासाठी 160 धावांची आवश्यकता आहे.

दिल्ली कॅपिटल्सने सनरायजर्स हैदराबादने विजयासाठी 160 धावांचे आव्हान दिले आहे. दिल्लीने 20 ओव्हरमध्ये 4 विकेट्स गमावून 159 धावा केल्या. दिल्लीकडून सलामीवीर पृथ्वी शॉने 53 धावा केल्या. तर कर्णधार रिषभ पंतने 37 धावांची खेळी केली. हैदराबादकडून सिद्दार्थ कौलने 2 विकेट्स घेतल्या.

दिल्लीला तिसरा झटका लागला आहे.  कर्णधार रिषभ पंत आऊट झाला आहे. पंतने 37 धावा केल्या.

दिल्लीचा 18 ओव्हरनंतर 2 विकेट्स गमावून 142 धावा केल्या आहेत.  रिषभ पंत 37 तर स्टीव्ह स्मिथ 21 धावांवर खेळत आहेत.

रिषभ पंतने सामन्यातील 15 व्या ओव्हरच्या दुसऱ्या चेेंडूवर सिद्दार्थ कौलच्या गोलंदाजीवर सिक्स लगावला आहे.

रिषभ पंतने सामन्यातील 14 व्या ओव्हरच्या 5 व्या चेंंडूवर राशिद खानच्या गोलंदाजीवर चौकार लगावला. यासह दिल्लीने 100 धावांचा टप्पा ओलांडला आहे.

शानदार सुरुवातीनंतर दिल्लीने पहिली विकेट गमावली आहे. शिखर धवन आऊट झाला आहे. राशिद खानने धवनला बोल्ड केलं. धवनने 28 धावा केल्या.

पृथ्वी शॉने शानदार अर्धशतक पूर्ण केलं आहे.पृथ्वीने 35 चेंडूत अर्धशतक पूर्ण केलं आहे. पृथ्वीच्या आयपीएल कारकिर्दीतील 8 वं तर या मोसमातील हे दुसरं अर्धशतक ठरलं.

गब्बर शिखर धवनने सामन्यातील 8 व्या ओव्हरधील तिसऱ्या आणि चौथ्या चेंडूवर सलग 2 चौकार लगावले आहेत.

दिल्ली कॅपिट्ल्सने पावर प्लेच्या पहिल्या 6 ओव्हरमध्ये बिनबाद 51 धावा केल्या आहेत.

दिल्ली कॅपिट्ल्सची शानदार सुरुवात झाली आहे. पृथ्वी शॉ आणि शिखर धवन या सलामी जोडीने अर्धशतकी भागीदारी केली आहे.

दिल्ली कॅपिट्ल्सची शानदार सुरुवात झाली आहे. दिल्लीच्या शिखर धवन आणि पृथ्वी या सलामी जोडीने पहिल्या 4 ओव्हरमध्ये बिनबाद  39 धावा जोडल्या आहेत.

दिल्लीच्या बॅटिंगला सुरुवात झाली आहे. शिखर धवन आणि पृथ्वी शॉ सलामी जोडी मैदानात खेळत आहेत.

डेव्हिड वॉर्नर(कर्णधार), जॉनी बेयरस्टो, केन विलियम्सन, विराट सिंह, विजय शंकर, अभिषेक शर्मा, केदार जाधव, राशिद खान, जे सुचित, खलील अहमद आणि सिद्धार्थ कौल.

पृथ्वी शॉ, शिखर धवन, स्टीव्ह स्मिथ, रिषभ पंत (कर्णधार), शिमरोन हेटमायर, मार्कस स्टोयनिस, अक्षर पटेल, आर अश्विन, खगिसो रबाडा, अमित मिश्रा आणि अवेश खान. 

दिल्ली कॅपिट्ल्सने टॉस जिंकला आहे. कर्णधार रिषभ पंतने टॉस जिंकून बॅटिंगचा निर्णय घेतला आहे. त्यामुळे सनरायजर्स हैदराबाद प्रथम गोलंदाजी करणार आहे.