Viral Video : आयो! 3 लाखांच्या आयफोनचा स्टॉक किती मिनिटात संपला असेल, ब्लिंकिंटवर नेटकरी का नाही भडकणार?

IPHONE DUO

आपल्याकडे किराणा मागवला कि काही मिनिटांत घरी पोहोचतो, म्हणून ब्लिकिंटसारख्या अॅप्सची क्रेझ वाढली. पण आता याच अॅप्सवरून तब्बल 3 लाखांचा फोन विकला जातोय आणि त्याचा ही फक्त 5 मिनिटांत स्टॉक संपलाय. आता हा कोणता फोन नेमका असा प्रश्न पडलाच असेल तर हा अॅपलचा फोल्डेबल फोन आहे. आता त्याच्या विक्रिची चर्चा सध्या सोशल मीडियावर रंगली आहे.

सकाळी 8.15 वाजता विक्री सुरू आणि 8.20 पर्यंत स्टॉक संपला

ब्लिंकिटचे संस्थापक अल्बिंदर धिंडसां यांनी सोशल मीडियावर या व्रिक्रिबाबत माहिती दिली. 23 ऑक्टोबर रोजी सकाळी 8 वाजून 15 मिनिटांनी दिल्ली – एनसीआरमध्ये आयफोन ड्युओ विक्रिसाठी उपलब्ध करण्यात आला. पण अवघ्या 5 मिनिटांच त्याचा संपूर्ण स्टॉक संपला.

किंमत जवळपास 3 लाख, तरी फोनची चर्चा जोरात

या फोनची किंमत ऐकूनच अनेकांच्या भुवया उंचावतील. आयफोन ड्युओच्या 256 GB मॉडेलची भारतातील सुरूवातीची किंमत 2 लाख 99 हजार 900 रूपये आहे. तर 2TB स्टोरेज असलेल्या मॉडेलची किंमत तब्बल 4 लाख 49 हजार 900 रूपये आहे. या फोनचं वैशिष्ट्य म्हणजे त्याची फोल्डेबल रचना. फोन उघडल्यावर 7.6 इंचाचा आतील डिस्प्ले मिळतो, तर बंद केल्यावर बाहेरील 5.4 इंचाच्या स्क्रिनचा वापर करता येतो.

नेटकऱ्यांचा संताप त्याचसोबत मजेशीर प्रतिक्रिया

फोन 5 मिनिटांत संपल्याची बातमी समोर येताच सोशल मीडियावर मजेशीर प्रतिक्रिया येऊ लागल्या. काही जणांनी फोनची किंमत पाहून भारतात श्रीमंत लोकांची संख्या किती आहे. असा सवाल केला. तर काहींनी ब्लिंकिटवर नेमके किती फोन विक्रिसाठी ठेवले होते यावर प्रश्न उपस्थित केला आहे. काही युजर्सनी तर फोनची किंमत आणखी जास्त ठेवली असती, तरी तो विकला गेला असता. अशी मिश्किल टिप्पणी केली आहे. महागड्या फोनची विक्री किराणाम सामान पोहोचवणाऱ्या अॅपवर इतक्या वेगाने झाल्यामुळे अनेकांना आश्चर्य वाटत आहे.

5 मिनिटांत स्टॉक संपला म्हणजे लाखो फोन विकले गेले,असा अर्थ होत नाही. उपलब्ध फोन किती होते. हे अजून स्पष्ट नाही. त्यामुळे विक्रिवरून फोनची एकूण मागणी किती आहे. याचा नेमका अंदाज बांधता येणार नाही.