नोकियाच्या बजेट स्मार्टफोनच्या किंमतीत कपात

मुंबई : जर तुम्ही नवा मोबाईल घेण्याचा विचार करत आहे, तर तुम्हाला सुवर्णसंधी आहे. कारण नोकियाने आपल्या स्मार्टफोनच्या किंमतीत कपात (Nokia budget smartphone price deduct) केली आहे. कंपनीने नोकिया 2.2 आणि नोकिया 3.2 स्मार्टफोनच्या किंमतीत एक हजार रुपयांनी कपात (Nokia budget smartphone price deduct) केली आहे. किंमतीत कपात केल्यानंतर आत हे फोन अनुक्रमे 6 हजार 599 रुपये आणि 7 हजार 499 रुपयांमध्ये मिळत आहेत.

यापूर्वी नोकिया 2.2 ची किंमत 7 हजार 699 आणि 3.2 ची किंमत 7 हजार 999 रुपये होती. कंपनीने 3.2 च्या किंमतीत 500 रुपयांची कपात केली आहे आणि 2.2 च्या किंमतीत 1 हजार 100 रुपयांची कपात केली आहे. कंपनीने नोकिया 2.2 जूनमध्ये लाँच केला होता, तर नोकिया 3.2 मे मध्ये लाँच केला होता.

किंमतीत कपात झाल्यानंतर 2 जीबी रॅम आणि 16 जीबी स्टोअरेजचा नोकिया 2.2 स्मार्टफोन 6 हजार 599 मध्ये खरेदी करु शकता. तसेच 3 जीबी रॅम आणि 32 जीबी स्टोअरेज व्हेरिअंट 7 हजार 599 रुपयांमध्ये मिळत आहे. या नवीन किंमती फ्लिपकार्ट आणि नोकियाच्या वेबसाईटवर दिसत आहेत. पण कंपनीकडून अजून किंमतीच्या कपातीबद्दल माहिती देण्यात आलेली नाही.

नोकिया 2.2 वर आपल्याला 2 हजार 200 रुपयांची कॅशबॅक ऑफर आणि जिओ सब्सक्रायबर्सला 100 जीबी अॅडिशनल डेटा मिळत आहे. तर 3.2 वर 2 हजार 500 रुपयांची सूट मिळत आहे. या ऑफर्सबद्दलची माहिती तुम्हाला नोकियाच्या वेबसाईटवर मिळेल. तसेच हे दोन्ही फोन ब्लॅक आणि स्टील रंगता उपलब्ध आहेत.