लग्न धुमधडाक्यात करण्याची प्रथा वाढत आहेत. लाखोंचे लग्न आता कोटीत केले जात आहे. त्यासाठी आता इव्हेंट कंपन्यांना लग्नाचे व्यवस्थापन दिले जात आहे. मग लग्न कधी आकाशात (विमानात), कधी पाण्यात (जहाजात) लावण्याचे प्रकार झाले आहेत. नववधूला नेण्यासाठी गावात काही जणांनी हेलिकॉप्टर आणले होते. परंतु त्यापेक्षाही एका आगळ्या वेगळ्या लग्नाची चर्चा होत आहे. हेलिकॉप्टर किंवा मर्सिडीज कारपेक्षा थाटात सर्जा राजाच्या बैलगाडीतून नववधूला घेऊन जाण्याचा व्हिडिओ व्हायरल झाला आहे. वर-वधू पारंपारीक सजवलेल्या बैलगाडीतून शहरांतील रस्त्यावरुन जात आहेत. सोशल मीडियात या व्हिडिओने चांगलाच भाव खाल्ला आहे.
सोशल मीडिया प्लॅटफॉर्म इंस्टाग्रामवर @akash_masoom_ladka या अकाउंटवरुन हा व्हिडिओ शेअर केला गेला आहे. या व्हिडिओत वर-वधू थाटात सजवलेल्या बैलगाडीत जात आहेत. वर पुढे उभा आहे तर वधू मागे बसलेली आहे. फक्त वर-वधूच नाही तर संपूर्ण वरातही बैलगाडीवर जात आहे. उत्तर प्रदेशातील एका शहरातील हा व्हिडिओ आहे.
सोशल मीडियावर वेगाने हा व्हिडिओ व्हायरल झाला आहे. तो लाखो लोकांनी पाहिला आहे. इंटरनेट युजर्स या फंड्याचे खूप कौतूक करत आहेत. एकाने म्हटले आहे, जुन्या दिवसांची आठवण करुन दिली. दुसरा युजर म्हणतो, इंटरनेटवर पाहिलेला सर्वात चांगला व्हिडिओ आहे.
एक जण म्हणतो, “इसके आगे तो Rolls-Royce भी फिकी पड़ जाय” आणखी एक जणाने भन्नाट कॉमेंट केली आहे. नवऱ्याची बैलगाडी मामा चालवत असल्याचे म्हटले आहे. व्हिडिओला 1.1 मिलियन व्यूज मिळाला आहे. एक लाखापेक्षा जास्त लोकांनी त्याला लाइक केले आहे. या आगळ्या-वेगळ्या लग्नाची चर्चा सोशल मीडियावर युजर करत आहेत.