Viral Video : ना हॉल, ना वाजंत्री ना झगमगाट; चालत्या ट्रकमध्येच उडाला लग्नाचा बार, अजब लग्नाचा गजब व्हिडीओ तुफान व्हायरल!
गुरुग्राममच्या रस्त्यांवर एका ट्रकमध्ये नवरा-नवरी, भटजी आणि लग्नमंडप दिसत आहे. हा लग्नमंडप चालता फिरता आहे. लग्नाच्या या अनोख्या आयडियाचे व्हिडिओ सोशल मीडियावर व्हायरल झाला आहे.
लग्न करायचं म्हटल्यावर हॉल सर्वात महत्त्वाचा असतो. बाकी सगळी तयारी नंतर पण हॉल सर्वात आधी बुक करावा लागतो. त्यात जर तो ऐनवेळी कॅन्सल झाला तर चांगलीत पंचाईत होते. पण गुरूग्रामध्ये लग्नासाठी असा काही जुगाड केलाय कि लग्नाचा हॉल थेट ट्रकमध्ये आणलाय. होय हे खरचं घडलंय, त्या हॉलच्या ट्रकमध्ये नवरा- नवरी बसली आहेत. भटजी मंत्र जपत आहेत आणि वऱ्हाडीही हजर आहेत. हा व्हिडिओ सोशल मीडियावर सध्या मोठ्या प्रमाणात व्हायरल होत आहे.
आता या व्हिडिओत नक्की काय दिसतंय ते जाणून घ्या
व्हिडिओमध्ये ट्रकची एक बाजू पूर्णपणे उघडी दिसत आहे. त्यामुळे आतमध्ये काय चाललंय हे रस्त्यावरून जाणाऱ्या लोकांना दिसत आहे. ट्रकच्या आत फुलांची सजावट, गुलाबी पडदे आणि सोनेरी रंगाची सजावटही दिसते आहे.नवरा नवरी पुजेसाठी बसलेत आहेत आणि भटजी खऱ्याखुऱ्या मंत्रांचा जप करताना दिसत आहेत. त्यामुळे सर्वांना त्या ट्रकमध्ये खरोखरचं लग्न होतंय असं वाटलं.
How much do you think they’re earning for this promotional act? https://t.co/h3SRy11XpB
— Indian Tech & Infra (@IndianTechGuide) October 10, 2026
पण थांबा त्या ट्रकच्या खालच्या बाजूला रेमंड अस नावही लिहिलेलं दिसतं आहे. या वरून स्पष्ट होतयं की कोणतंही लग्न पार पडत नसून रेमंड याद्वारे आपलं प्रोडक्ट सामान्यापर्यत पोहोचवत आहेत. तुम्हाला जाणून आश्चर्य वाटेल पण ही रेमंडची ही मार्केटिंग स्टॅटजी आहे.रेमडंच्या मंडप ऑन व्हिल्स या मोहिमेचा हा एक भाग आहे.
सोशल मीडियावर हा व्हिडिओ मोठ्या प्रमाणात व्हायरल होत आहे. अनेकांना रेमंडची ही आयडिया आवडली आहे. या व्हिडिओवर नेटकऱ्यांच्या भन्नाट कमेंट्स देखील पाहायला मिळत आहे. एकाने हा जुगाड हॉलच्या खर्चापेक्षा एकदम स्वस्त आणि भारी असल्याचं म्हटलं आहे.
