Makeup artistनं लता मंगेशकरांना वाहिली अनोख्या पद्धतीनं श्रद्धांजली; यूझर्स म्हणतायत, विश्वासच नाही बसत
Tribute to Lata Mangeshkar : ज्येष्ठ पार्श्वगायिका लता मंगेशकर यांना लोक आपापल्या शैलीत आदरांजली वाहताहेत. एका मेकअप आर्टिस्टचा (Makeup artist) व्हिडिओ (Video) समोर आला आहे. ज्यामध्ये त्यांनी लता मंगेशकर यांना त्यांच्या कलेतून (Art) अनोख्या पद्धतीने आदरांजली वाहिली.
Tribute to Lata Mangeshkar : ज्येष्ठ पार्श्वगायिका लता मंगेशकर यांच्या निधनाने संपूर्ण जग शोक करत आहे. सोशल मीडियावर लोक लतादीदींना आपापल्या शैलीत आदरांजली वाहताहेत. अनेक लोक त्यांनी गायलेली गाणी गाऊन त्यांना श्रद्धांजली वाहात आहेत, तर त्यांचे व्हिडिओ सोशल मीडियावर चांगलेच व्हायरल होत आहेत. याच प्रकारामध्ये एका मेकअप आर्टिस्टचा (Makeup artist) व्हिडिओ (Video) समोर आला आहे. ज्यामध्ये त्यांनी लता मंगेशकर यांना त्यांच्या कलेतून (Art) अनोख्या पद्धतीने आदरांजली वाहिली. ज्याचा व्हिडिओ सध्या सोशल मीडियावर मोठ्या प्रमाणात व्हायरल होत आहे. हा व्हिडिओ दिल्लीस्थित मेकअप आर्टिस्ट दीक्षिताचा आहे. ज्यामध्ये तिने मेकअपच्या मदतीने स्वत:ला लता मंगेशकरसारखा लूक दिला आहे. मेकअप आर्टिस्टचे हे कौशल्य पाहून अनेकजण थक्क झाले. दीक्षिताने तिचा हा व्हिडिओ इन्स्टाग्राम अकाउंटवर पोस्ट केला आहे. जी सध्या सोशल मीडियावर झपाट्याने चर्चेत आहे.
अनोखे कौशल्य
व्हायरल होत असलेल्या व्हिडिओमध्ये तुम्ही पाहू शकता, की दीक्षिता आधी लता मंगेशकर यांचा फोटो दाखवते, या व्हिडिओच्या पार्श्वभूमीवर 1972 साली आलेल्या ‘शोर’ या हिंदी चित्रपटातील ‘एक प्यार का नगमा है’ हे गाणे वाजते आहे. मेकअप आर्टिस्टला पाहून दीक्षिताने स्वतःला लता मंगेशकर यांच्यासारखे बनवले. त्यांचे हे अनोखे कौशल्य पाहून लोक आश्चर्यचकित झाले.
‘विश्वासच बसत नाही’
21 हजारांहून अधिक लाइक्स या व्हिडिओला आहेत. त्यात वाढच होत आहे. त्याचवेळी लोक त्यावर भरभरून प्रतिक्रिया देत आहेत. हा व्हिडिओ पाहिल्यानंतर एका यूझरने लिहिले, की त्याचा यावर विश्वास बसत नाही. लता मंगेशकर यांनी 6 फेब्रुवारीला (रविवारी) सकाळी 8.12 वाजता मुंबईतील ब्रीच कँडी रुग्णालयात अखेरचा श्वास घेतला. त्या 92 वर्षांच्या होत्या. मल्टीऑर्गन निकामी झाल्याने त्यांचा मृत्यू झाल्याचे डॉक्टरांनी सांगितले. गेल्या अनेक दिवसांपासून त्या आयसीयूमध्ये दाखल होत्या, मात्र 6 फेब्रुवारीला त्यांनिी जगाचा कायमचा निरोप घेतला.
आणखी वाचा :