PCS Jyoti Maurya News : ज्योती मौर्य प्रकरणात नवा ट्विस्ट, कमांडंट मनीष दुबे यांची नोकरी धोक्यात, तपास सुरू
महिला पीसीएस अधिकारी यांचे पती आलोक मौर्य यांनी त्यांच्या पत्नीवर गंभीर आरोप केला आहे. ते म्हणतात की, 'मनीष दुबे आणि त्यांच्या पत्नीने त्यांची हत्या करण्याचा कट रचला होता.
मुंबई : उत्तरप्रदेश राज्यातील बरेलीमधील पीसीएस अधिकारी ज्योति मौर्य (PCS Jyoti Maurya) सध्या सोशल मीडियावर अधिक चर्चेत आहे. विशेष म्हणजे ज्योति मौर्य (jyoti maurya call recording) एसडीएम झाल्यानंतर इतर व्यक्तीसोबत पळून गेल्याचा आरोप त्यांच्या पतीने केला आहे. त्याचबरोबर त्यांच्या पतीने आणखी एक गंभीर आरोप केला आहे, ‘ज्योति मौर्य आणि त्यांच्या प्रियकराने (viral news in marathi) मिळून त्यांची हत्या कऱण्याचा प्रयत्न केला आहे. या सगळ्या प्रकरणाची सध्या चौकशी सुरु आहे. या सगळ्याची चौकशी झाल्यानंतर आलोक यांनी केलेल्या आरोपात किती तथ्य आहे हे उजेडात येईल.
ज्योती मौर्य यांचं कॉल रेकॉर्डींग या आठवड्यात येणार होतं. परंतु सध्या अनेक जिल्हा कमांडंटच्या बदल्या झाल्यामुळे कॉल रेकॉर्डिंगला यायला उशीर झाला आहे. त्याचबरोबर आता पुढच्या आठवड्यात कॉल रेकॉर्डींग येणार आहे. या संदर्भात डीजीपी होमगार्ड विजय कुमार मौर्य यांनी एक प्रतिक्रिया दिली आहे. ते म्हणतात की, ‘या संपूर्ण प्रकरणाची चौकशी डीआयजी संतोष कुमार यांनी लवकरात लवकर करावी असे आदेश दिले आहेत.’
महिला पीसीएस अधिकारी यांचे पती आलोक मौर्य यांनी त्यांच्या पत्नीवर गंभीर आरोप केला आहे. ते म्हणतात की, ‘मनीष दुबे आणि त्यांच्या पत्नीने त्यांची हत्या करण्याचा कट रचला होता. या प्रकरणात आलोक यांनी मुख्यमंत्री योगी आदित्यनाथ यांच्याकडे न्याय मागितला आहे. त्यांनी असं म्हटलं आहे की, त्यांनी पत्नी आणि मनीष दुबे मागच्या तीन वर्षापासून एकमेकांच्या संपर्कात आहेत.’ मोबाईलवरती झालेलं व्हाट्सअप्प चॅटिंग सुध्दा व्हायरल झालं होतं.
मुख्यमंत्र्यांच्या कार्यालयातून आदेश मिळाल्यानंतर, होमगार्ड मुख्यालयाकडून प्रयागराजमध्ये तैनात डीआईजी प्रकरणात चौकशी करण्याचे आदेश दिले आहेत. सगळ्या चौकशीचा अहवाल या आठवड्यात येणार होता. डीजीपीनी सुध्दा सांगितलं आहे की, सध्या त्या प्रकरणातील अहवाल येण्याची आम्ही वाट पाहत आहोत. त्याचबरोबर चौकशी अधिकाऱ्याला लवकरात लवकर अहवाल तयार करण्याचे आदेश वरिष्ठांनी दिले आहेत.
