मनसे प्रमुख राज ठाकरे यांनी सपत्नीक साईबाबांचे दर्शन घेतलं. यावेळी शिर्डीत भाजप खासदार सुजय विखे- पाटील यांनी त्यांचे स्वागत केलं. तसेच आपण त्यांचे फॅन असल्याने राज ठाकरे यांचे स्वागत केल्याचे विखे- पाटील म्हणाले. राष्ट्रवादीचे नेते छगन भूजबळ यांच्यावर धमकी दिल्याप्रकरणी ललीतकुमार टेकचंदाणी यांनी चेंबूर पोलीसांत फिर्याद दिली होती. त्याप्रमाणे भूजबळ यांच्यासह दोघांवर गुन्हा दाखल करण्यात आला आहे. यानंतर भूजबळ यांची चौकशी करावी अशी मागणी खासदार राहूल शेवाळे आणि आमदार अमित साठम यांनी केली आहे. तर राज्य सरकारवर दबाव नसल्यानेच तेथील उद्योग हे गुजरातमध्ये जात असल्याची टीका राष्ट्रवादीचे नेते आ. एकनाथ खडसे यांनी केली आहे.