कार घेणाऱ्यांसाठी शेवटची संधी, या महिन्यात Maruti Suzuki च्या ‘या’ कारवर मिळतेय तब्बल 2.15 लाखांची सूट
जर तुम्ही देखील या महिन्यात कुटुंबासाठी कार घेण्याचा विचार करत असाल तर ही संधी सोडू नका. या महिन्यात Maruti Suzuki च्या अनेक कारवर मिळतेय 2.15 लाखांपर्यंतची सूट. आताच जवळच्या शोरूमला भेट द्या.
एप्रिल महिन्यात नवीन कार खरेदी करण्याचा विचार करणाऱ्यांसाठी आनंदाची बातमी आहे. देशातील आघाडीची वाहन उत्पादक कंपनी Maruti Suzuki ने आपल्या विविध मॉडेल्सवर आकर्षक सवलती जाहीर केल्या आहेत. या विशेष ऑफर्समुळे ग्राहकांना तब्बल 2.15 लाख रुपयांपर्यंत फायदा मिळू शकतो.
कंपनीने आपल्या अरेना आणि नेक्सा या दोन्ही विक्री चॅनेलद्वारे ग्राहकांसाठी वेगवेगळ्या ऑफर्स सुरू केल्या आहेत. या ऑफर्समध्ये कॅश डिस्काउंट, एक्सचेंज बोनस, स्क्रॅपेज बेनिफिट्स, लॉयल्टी बोनस आणि कॉर्पोरेट डिस्काउंट यांचा समावेश आहे. त्यामुळे नवीन कार खरेदी करणाऱ्यांसाठी ही संधी अधिक फायदेशीर ठरत आहे.
या महिन्यात स्विफ्ट, वॅगनआर, बलेनो, फ्रॉन्क्स, ग्रँड व्हिटारा, ब्रेझा, इग्निस, अल्टो K10 आणि सेलेरिओ यांसारख्या लोकप्रिय गाड्यांवर विशेष सवलती दिल्या जात आहेत. बजेट कार खरेदी करणाऱ्यांसाठी अल्टो K10, वॅगनआर आणि सेलेरिओवर चांगले डील्स उपलब्ध आहेत.
त्याचबरोबर प्रीमियम सेगमेंटमधील ग्रँड व्हिटारा, XL6 आणि इन्व्हिक्टो यांसारख्या गाड्यांवरही मोठ्या प्रमाणात सवलती दिल्या जात आहेत, ज्यामुळे ग्राहकांना उच्च श्रेणीतील गाडी परवडणाऱ्या किमतीत घेण्याची संधी मिळत आहे.
कंपनीकडून वेगवेगळ्या मॉडेल्सवर वेगवेगळ्या प्रमाणात सूट दिली जात आहे. इग्निसवर 50 हजार रुपयांपर्यंत सूट. बलेनोवर 40 हजार रुपयांपर्यंत सूट, तर इतर काही मॉडेल्सवर 55 हजार रुपयांपर्यंत सूट, ग्रँड व्हिटारावर तब्बल 1.7 लाख रुपयांपर्यंत सूट, इन्व्हिक्टोवर सर्वाधिक म्हणजे 2.15 लाख रुपयांपर्यंत सवलत दिली जात आहे.
ज्यांच्याकडे जुनी कार आहे त्यांच्यासाठी एक्सचेंज बोनस ही मोठी संधी आहे. ग्राहक आपली जुनी कार देऊन नवीन कारवर अतिरिक्त सूट मिळवू शकतात. तसेच सरकारच्या स्क्रॅपेज पॉलिसीनुसार जुने वाहन स्क्रॅप केल्यासही अतिरिक्त लाभ दिला जात आहे. या सर्व ऑफर्स मर्यादित कालावधीसाठीच उपलब्ध आहेत आणि शहर, व्हेरिएंट तसेच डीलरनुसार बदलू शकतात. त्यामुळे ग्राहकांनी महिना संपण्यापूर्वीच जवळच्या डीलरशिपला भेट देऊन संपूर्ण माहिती घेणे आवश्यक आहे.
