मुंबई: तुमचं वय 18 ते 40 वर्षे आहे आणि तुमचा पगार 15 हजारापेक्षा कमी आहे, तर तुमच्यासाठी ही बातमी महत्वाची आहे. तसंच तुमचा निवृत्तीनंतरचाही कुठला प्लॅन तयार नाही, तर तुमच्यासाठी केंद्र सरकारनं एक खास पेन्शन स्कीम देऊ केली आहे. त्यात 60 वर्षानंतर तुम्हाला महिन्याला 3 हजार रुपये पेन्शन मिळू शकते. PM-SYM असं या योजनेचं नाव आहे. (Benefits and Procedures of the Pradhanmanti shramyogi mandhan pension yojna)
PM-SYM योजनेत तुम्हाला कमीतकमी महिन्याला 3 हजार रुपये मिळतील. तुम्ही तुमच्या पेन्शन खात्यात जास्त रक्कम टाकली तर तुम्हाला 60 वर्षानंतर जास्त पेन्शनही मिळू शकते. हा पर्याय सर्वांसाठी सुरक्षित असल्याचं सांगितलं जात आहे.
पेन्शन अकाऊंट उघडण्याची प्रक्रिया अत्यंत सोपी आहे. त्यासाठी तुम्हाला जवळच्याच कॉमन सर्व्हिस सेंटरवर जावं लागेल. त्याचबरोबर LIC किंवा कामगार कल्याण विभागाच्या बेवसाईटवर जाऊनही तुम्ही अकाऊंट उघडू शकता. इतकच नाही तर जिल्हा कामगार कल्याण कार्यालय, LIC कार्यालय किंवा EPF आणि ESIC कार्यालयात जाऊनही अकाऊंट उघडू शकता.
EPFO ने दिलेल्या माहितीनुसार PM-SYM योजनेत असंघटीत क्षेत्रातील कामगार अकाऊंट उघडू शकतात. त्याचबरोबर ज्यांचा महिन्याचा पगार 15 हजार रुपयांपेक्षा कमी आहे आणि ज्यांचं वय 18 ते 40 वर्षांमध्ये आहे, असे लोक या योजनेचा फायदा घेऊ शकणार आहेत.
ज्या व्यक्तीचं EPF/NPS/ESIC खाते पहिल्यापासून आहे असे लोक या योजनेत अकाऊंट उघडू शकत नाहीत. तसंच तुमची उत्पन्नही टॅक्सेबल असता कामा नये.
1. आधार कार्ड
2. बँक खात्याची माहिती
– पासबूक, चेकबूक, IFSC कोड
– घराजवळील CSC केंद्रावर जाऊन अकाऊंट उघडू शकता. CSC केंद्र माहिती नसेल तर LIC, कामगार कार्यालय किंवा CSCच्या वेबसाईटवर नाव नोंदणी करु शकता.
– सोबत आधार कार्ड, बँक पासबूक, चेकबूक किंवा बँक स्टेटमेंट सोबत ठेवा
– सुरुवातीला किती रक्कम खात्यात टाकायची आहे ती रक्कम सोबत घ्या
– अन्य योजनांमध्ये केलेल्या गुंतवणीकीची कागदपत्रही सोबत ठेवा
संबंधित बातम्या:
PPF मध्ये गुंतवणूक करताय? मग प्रत्येक महिन्याची 5 तारीख विसरू नका, ‘हे’ आहे कारण
Income Tax Return साठी उरले काही तास, मुदतीनंतर दुप्पट दंडाचा दणका
Benefits and Procedures of the Pradhanmanti shramyogi mandhan pension yojna