Indias Property Rate | घर खरेदीचा प्लॅन करताय ? मग बघा जगाच्या तुलनेत आपल्याकडे किती स्वस्त? किती महाग ?

मुंबई : आपल्या हक्काचं घर असावं, असं प्रत्येकाचं स्वप्न असतं. जगाच्या तुलनेत भारतात घरांच्या किंमतीत (Indias Property Rate)  घट झाल्याचं वृत्त समोर आलं आहे. 2019 च्या तिसर्‍या तिमाहीच्या तुलनेत 2020 च्या तिसर्‍या तिमाहीत भारतातील सरासरी घरांची किंमत 2.4 टक्क्यांनी घसरली आहे. यानंतर, ग्लोबल होम प्राइस इंडेक्समध्ये भारताची 7 स्थानांची घसरण झाली आहे. यामुळे भारत 54 व्या स्थानावर आला आहे. भारत 2019 च्या तिसर्‍या तिमाहीत 47 व्या स्थानावर होता. आंतरराष्ट्रीय मालमत्ता सल्लागार नाइट फ्रँक यांनी एक संशोधन केलं. ‘ग्लोबल हाऊस प्राइस इंडेक्स थर्ड क्वार्टर 2020’ या संशोधन अहवालात याबाबत सांगितलं. Buying a house in India is easier than the whole world, prices have come down

निर्देशांकानुसार, 2020 मधील दुसऱ्या तिमाही रॅंकिंग आणि तिसऱ्या तिमाही रॅंकिगमध्ये कोणताही बदल झाला नाही. कारण भारत दुसऱ्या तिमाहीत 56 देशांपैकी 54 व्या स्थानावर होता. ग्लोबल रेसिडेन्ट प्राइस इंडेक्स (global house price index) सरकारी आकडेवारीच्या साहाय्याने घरांच्या किंमतीचं विश्लेषण करतं. 2020 मधील तिसऱ्या तिमाहीत तुर्की देशाने निर्देशंकात पहिला क्रमांक मिळवला आहे. तुर्कीत दर वर्षी घरांच्या किंमतीत 27.3 टक्क्यांनी वाढ होते.

दुसऱ्या क्रमांकावर न्यूझीलंड

तुर्कीनंतर न्यूझीलंडचा क्रमांक आहे. अर्थात न्यूझीलंड दुसऱ्या क्रमांकावर आहे. न्यूझीलंडमध्ये वर्षभरात घरांच्या किंमतीत 15.4 टक्क्यांनी वाढ झाली आहे. तिसऱ्या क्रमांकावर लक्जमबर्ग 13.4 टक्के इतक्या दरवाढीसह तिसऱ्या क्रमांकावर आहे. तर मोरक्को या यादीत शेवटच्या क्रमांकावर आहे. मोरक्कोमध्ये वर्षभरात घरांच्या दरात 3.3 टक्क्यांनी घट झाली आहे. या रिपोर्टनुसार आयर्लंड, स्पेन, भारत आणि हॉंगकॉंग या देशात घरांच्या किंमती सर्वात कमी राहिल्या आहेत.

नाईट फ्रँक इंडियाने (इंडिया रिअल इस्टेट अपडेट, जुलै-सप्टेंबर 2020) केलेल्या अहवालात भारतातील आठ प्रमुख शहरांच्या निवासी आणि ऑफीसचे वर्णन केलं आहे. त्यात म्हटलं आहे की, “तिमाहीच्या आधारे 2020 च्या तिसऱ्या तिमाहीत घरांच्या विक्रीत 2.5 इतकी वाढ झाली आहे. यासह एकूण घरांची संख्या ही 33 हजार 403 युनिट्स (एकूण घरं) आहेत. तर हीच आकडेवारी या वर्षातील दुसऱ्या तिमाहीत 9 हजार 632 इतकी होती.

संबंधित बातम्या :

चाळीशीत आहात, अशी गुंतवणूक करा, 2 कोटी कमवा !

Buying a house in India is easier than the whole world, prices have come down