Slaughter of teak trees : या जिल्ह्यात पोलिस पुष्पाच्या शोधात,लाखो रुपयांच्या झाडांची कत्तल, वन विभागाची यंत्रणा संतर्क
भंडारा जिल्ह्यातील पोलिस पुष्पाच्या शोधात, लाखो रुपयांच्या झाडांची कत्तल झाल्यानंतर नव्या पुष्पाची संपुर्ण जिल्ह्यात चर्चा
भंडारा : जिल्ह्यात तुमसर (Tumsar tahsil) तालुक्यातील दावेझरी (davejhari) गावाच्या शेजारी असणाऱ्या आंबे तलावाच्या शेजारील 60 मौल्यवान सागवान झाडांची (sagwan tree) कत्तल करण्यात आली आहे. चोरीची घटना ज्यावेळी वनविभागाच्या अधिकाऱ्यांच्या लक्षात आली, त्यावेळी महसूल व वनविभागाची यंत्रणा खडबडून जागी झाली आहे. पोलिसांच्या मदतीने आरोपीचा शोध घेतला जात आहे. त्याचबरोबर सीसीटिव्ही फुटेज तपासून ही कारवाई करण्यात येणार असल्याचे पोलिसांनी सांगितले आहे. लाखो रुपयांचे सागवान चोरीला गेल्यामुळे परिसरात मोठी खळबळ माजली आहे.
60 सागवान झाडांची कत्तल
भंडारा जिल्ह्याच्या तुमसर तालुक्यातील दावेझरी गावाच्या शेजारी असणाऱ्या आंबे तलावाच्या परिसरात सागवानाची झाडं मोठ्या प्रमाणात आहेत. त्यापैकी 60 मौल्यवान सागवान झाडांची कत्तल करून चोरी केली. चोरी झाल्याचं प्रकरण महसूल व वनविभागाची लक्षात आल्यानंतर दोन्ही यंत्रणा खडबडून जागी झाल्या झाल्या आहेत. सागवान लाकडांची तस्करी करणाऱ्या आरोपीचा शोध घेतला जात आहे. तुमसरातील सागवान तस्करीचे प्रकरण समोर आल्यानंतर या दिशेने तपास केला जात आहे. लाखो रुपयांचे सागवान चोरी प्रकरणात फौजदारी कारवाई होणार आहे.